Elimizdiń aýmaǵyna qandaı qymbat alkogol men sıgara ónimderi jetkizildi

Memlekettik kirister komıteti osy jyldyń 10 aıynda elimizdiń aýmaǵyna qandaı qymbat alkogol jáne sıgara ónimderi jetkizilgenin málim etti, dep habarlaıdy Kazinform.

«2023 jyldyń 10 aıynda Qazaqstan aýmaǵyna úshinshi elderden (EAEO elderin qospaǵanda) 127 278 dollarǵa COHIBA sıgaralary, 4 693 203 dollarǵa MACALLAN vıskıi, 1 092 600 dollarǵa syılyq qoraptaǵy COGNAC REMY MARTIN LOUIS XIII konıaǵy ákelindi», - dep atap ótedi komıtetten agenttiktiń resmı saýalyna oraı.

Vedomstvonyń derekterine qaraǵanda, ótken jyldyń 10 aıynda elimizge úshinshi elderden (EAEO elderin qospaǵanda) 32 741 dollarǵa COHIBA sıgaralary, 2 736 230 dollarǵa MACALLAN vıskıi, 1 031 723 dollarǵa syılyq qoraptaǵy COGNAC REMY MARTIN LOUIS XIII konıaǵy jetkizilgen bolatyn.