Astyq qory ishki qajettilikti tolyq qamtamasyz etip, eksportty ulǵaıtýǵa múmkindik beredi

ASTANA. KAZINFORM  — 1 maýsymdaǵy jaǵdaı boıynsha Qazaqstandaǵy astyq qory 8,6 mln tonnany qurady. Bul kólem ishki naryqty qamtamasyz etýge jáne eksporttyq jetkizilimderdi júzege asyrýǵa jetkilikti. Bul týraly AShM málim etti.

Qazaqstan Respýblıkasy Strategııalyq josparlaý jáne reformalar agenttigine qarasty Ulttyq statıstıka bıýrosynyń málimetinshe, elimizdegi astyq kólemi — 8,6 mln tonna, onyń ishinde azyq-túlik astyǵy — 7,3 mln tonna.

Bıdaı kólemi — 7,4 mln tonna, sonyń ishinde:

2,7 mln tonna — ósimdik sharýashylyǵymen aınalysatyn zańdy tulǵalardyń ıeliginde,

2,6 mln tonna — elevatorlarda,

818 myń tonna — un tartý jáne jarma kásiporyndarynda, 167 myń tonna — kóterme saýdagerler men basqa da ıelerdiń qaramaǵynda.

Bul kórsetkishter astyq naryǵynyń turaqty ekenin, ishki suranysty tolyq qamtamasyz etip qana qoımaı, belgilengen kólemde eksportty jalǵastyrý múmkindigin de kórsetedi.

Eske sala keteıik, 2024 jyly elde rekordtyq astyq jınaldy — óńdeýden keıingi salmaqta 25,2 mln tonna, onyń ishinde 18,6 mln tonnasy — bıdaı. Búkil marketıngtik jyl boıy un tartý jáne mal sharýashylyǵy salalary úshin qolaıly baǵa saqtaldy.

Sonymen qatar, qazirgi ýaqytta Azyq-túlik korporatsııasynyń qoımalarynda 1,2 mln tonna astyq bar, onyń ishinde 1,0 mln tonnasy — azyq-túlikke arnalǵan. Qajet bolǵan jaǵdaıda un tartý kásiporyndary Azyq-túlik korporatsııasyna júgine alady.

Osylaısha, Qazaqstannyń astyq naryǵy turaqty kúıde, bul eldiń azyq-túlik qaýipsizdigin qamtamasyz etip, eksporttyq áleýetin qoldaıdy.

Buǵan deıin habarlanǵandaı, Qazaqstan bıdaıy Vetnamǵa eksporttaldy.