Elimizdiń ár óńirinde 30 qyrkúıekke deıin «Mektepke jol» qaıyrymdylyq aktsııasy ótedi
ASTANA. KAZINFORM – 1 tamyzdan Qazaqstannyń barlyq óńirinde jyl saıynǵy respýblıkalyq «Mektepke jol» qaıyrymdylyq aktsııasy bastalady. Naýqan 30 qyrkúıekke deıin jalǵasady.
Jyl saıynǵy bul dástúrli aktsııa az qamtylǵan, kóp balaly, jetim jáne ata-anasynyń qamqorlyǵynsyz qalǵan balalarǵa oqý jylynyń bastalýyna daıyndyq kezinde materıaldyq qoldaý kórsetý maqsatynda ótkiziledi.
Búgingi tańda aktsııany uıymdastyrý jáne ótkizý boıynsha óńirlik is-sharalar jospary jasalyp, kómekke muqtaj balalardyń tizimi jınaqtalyp, bekitilgen.
Aıta keteıik, bul – jyl saıyn jańa oqý jyly qarsańynda ótkiziletin respýblıkalyq qaıyrymdylyq aktsııasy. Ol áleýmettik osal sanattaǵy balalarǵa qoldaý kórsetýge baǵattalǵan. Igi is-sharanyń maqsaty – mektepke daıyndyq kezeńinde qoldaýdy qajet etetin balalarǵa kómek kórsete otyryp, olardyń bilimge teń qoljetimdiligin qamtamasyz etý.
Eske sala keteıik, buǵan deıin Aqtóbede 16 600 balany mektepke daıyndaý úshin bir jolǵy áleýmettik kómek beriletinin habarlaǵan edik.