Elimizdiń 9 óńirinde daýyldy eskertý jarııalandy

ASTANA. KAZINFORM – «Qazgıdromet» RMK elimizdiń birneshe óńirinde aýa raıyna baılanysty daýyldy eskertý jarııalady.

дауылды ескерту
Фото: Kazinform

30 naýryzda Almatyny túnde jáne tańerteń tuman basady.

Abaı oblysynyń ońtústiginde shańdy daýyl turady.

Almaty oblysynyń ońtústiginde, taýly aýdandarynda keı ýaqytta tumandy kún raıy bolady. Qonaev qalasynda túnde jáne tańerteń tuman bolady.

Jambyl oblysynyń ońtústiginde, taýly aımaqtarynda túnde jáne tańerteń tuman kútiledi. Taýly aýdandarda soltústik-shyǵystan soqqan jeldiń jyldamdyǵy 15-20 m/s jetedi. Taraz qalasynda túnde jáne tańerteń tuman bolady.

Qaraǵandy oblysynyń batysynda, soltústiginde jáne shyǵysynda túnde jáne tańerteń tuman kútiledi. Qaraǵandy qalasynda da túnde jáne tańerteń tuman bolady.

Mańǵystaý oblysynyń batysynda, ońtústiginde jáne ortalyǵynda kúndiz shańdy daýyl soǵady. Osy aımaqtarda ońtústik-shyǵystan soqqan jeldiń jyldamdyǵy 15-20 m/s bolady. Aqtaý qalasynda kúndiz shańdy daýyl soǵyp, jeldiń ekpini 15-20 m/s jetedi.

Soltústik Qazaqstan oblysynda 30 naýryzda túnde jáne tańerteń batysynda, soltústiginde jáne shyǵysynda tuman bolady. Petropavl qalasynda da túnde jáne tańerteń tuman kútiledi.

Túrkistan oblysynyń taýly aımaqtarynda túnde jáne tańerteń tuman kútiledi.

Ulytaý oblysynyń soltústiginde, shyǵysynda jáne ortalyǵynda túnde jáne tańerteń tuman bolady.

Сейчас читают