Elimizdiń 8 óńirinde jergilikti aýqymda TJ jarııalanǵan
ASTANA. KAZINFORM – Sý tasqyny bastalǵaly beri 107 myńnan astam adam qutqaryldy. Bul týraly QR TJM Azamattyq qorǵanys jáne áskerı bólimder komıtetiniń aǵa ofıtseri Erasyl Saıpash aıtyp berdi.
«Sý tasqyny bastalǵaly beri 107 119 adam, onyń ishinde 38 457 bala qaýipsiz jerlerge jetkizildi. Ýaqytsha ornalasý pýnkterine 7 414 adam, onyń ishinde 3 173 bala ornalasty», - dedi E. Saıpash Respýblıkalyq aqparattyq shtabta ótken brıfıngte.
Sonymen birge, 9,3 mln tekshe metr erigen qar sýy soryp shyǵaryldy, 1,9 mln qapshyq jáne 1,2 mln tonna ınertti materıal tóseldi.
Búgingi tańda avarııalyq-qutqarý jumystarynda 35 339 adam, 4 myńnan astam tehnıka, 14 áýe kemesi jumyldyryldy.
«Osy saǵatta Atyraý, Aqtóbe, Aqmola, Qostanaı, Shyǵys Qazaqstan, Soltústik Qazaqstan oblystarynda 4 870 jeke turǵyn úı, 1 264 aýla aýmaǵy jáne 2 035 saıajaı úıleri sý astynda qalýda. 3 myńnan astam turǵyn úı men 2 myńǵa jýyq aýla aýmaǵynan sý buryldy», - dedi spıker.
Elimizdiń 8 óńirinde Aqtóbe, Qostanaı, Batys Qazaqstan, Aqmola, Qaraǵandy, Atyraý, Soltústik Qazaqstan jáne Ulytaý oblystarynda jergilikti aýqymdaǵy 36 TJ jaǵdaıy jarııalanǵan.
