Elimizdiń 8 óńirinde úsik júredi

ASTANA. KAZINFORM — «Qazgıdromet» RMK el aýmaǵynda 19 qyrkúeıekte bolatyn qaýipti meteorologııalyq qubylystarǵa boljam jasady.

Keń antıtsıklon QR kóp bóliginde jaýyn-shashynsyz aýa raıyn saqtaıdy. Eldiń ońtústiginde, ońtústik-shyǵysynda frontaldy bólimderdiń áserinen naızaǵaı oınap, jańbyr jaýady. Respýblıka boıynsha jel kúsheıedi dep kútiledi. Soltústikte, shyǵysta, ońtústik-shyǵysta taýly aımaqtarda túnde jáne tańerteń tuman túsedi.

«Shyǵys Qazaqstan, Abaı oblystarynda, Aqmola, Soltústik Qazaqstan oblysynyń soltústiginde, shyǵysynda, Qostanaı oblysynyń batysynda, soltústiginde, Pavlodar oblysynyń ońtústiginde, Qaraǵandy oblysynyń shyǵysynda, Jetisý oblysynyń taýly aýdandarynda 1-6 gradýs úsik júredi», — dep jazdy sınoptıkter.

Aqtóbe, Qaraǵandy, Ulytaý oblystarynda, Jetisý oblysynyń batysynda, Batys Qazaqstan oblysynyń soltústiginde, soltústik-shyǵysynda, Qyzylorda oblysynyń soltústik-batysynda, Jambyl oblysynyń ońtústik-batysynda, ońtústik-shyǵysynda, batysynda, ońtústiginde, Shyǵys Qazaqstan oblysynyń ortalyǵynda, Qostanaı oblysynyń ońtústiginde joǵary órt qaýpi saqtalady.

Mańǵystaý, Atyraý, Túrkistan, Qyzylorda, Jambyl, Batys Qazaqstan oblystarynda, Qaraǵandy oblysynyń batysynda, shyǵysynda, Ulytaý oblysynyń soltústiginde, ońtústiginde, Abaı oblysynyń ońtústiginde, Jetisý oblysynyń soltústiginde, ortalyǵynda, Aqtóbe oblysynyń batysynda, ońtústiginde, Almaty oblysynyń soltústiginde, batysynda tótenshe órt qaýpi saqtalady.