Elimizdiń 8 oblysy men 1 qalasynda mal azyǵy 100 paıyz daıyn

ASTANA. KAZINFORM — Qazaqstanda 36 mln tonna mal azyǵy daıyndaldy, dep habarlaıdy Aýyl sharýashylyǵy mınıstrliginiń baspasóz qyzmeti.

— 2025–2026 jyldardaǵy qysqy maýsymǵa daıyndyq aıasynda aýyl sharýashylyǵy janýarlaryna arnalǵan mal azyǵyn daıyndaý jumystary belsendi jalǵasýda. Jergilikti atqarýshy organdardyń málimetinshe, 24,9 mln tonna shóp (jospardyń 101,5%-y), 1,9 mln tonna pishendeme (112,5%), 3,2 mln tonna quramajem (56,8%), 2 mln tonna saban (97,0%), 4,1 mln tonna súrlem (88,6%) daıyndaldy, — delingen AShM taratqan aqparatta.

Belsendi jumys Soltústik Qazaqstan oblysynda (125%), Abaı, Aqmola, Aqtóbe, Jambyl, Almaty, Qostanaı, Shyǵys Qazaqstan oblystarynda jáne Shymkent qalasynda (100%) jospar oryndalǵany baıqalady.

Daıyndalǵan mal azyǵynyń kórsetilgen kólemderi janýarlardy tolyqqandy azyqtandyrýǵa, josparly ónim men tól alýǵa, sondaı-aq mal basynyń saqtalýyn qamtamasyz etýge múmkindik beredi.

Jalpy respýblıkadaǵy mal azyǵymen qamtamasyz etý jaǵdaıy turaqty.

Budan buryn BQO-nyń eki aýdanynda shóp shyǵymdylyǵy tómen bolyp otyrǵanyn jazǵanbyz.