Elimizdiń 8 qalasynda aýa sapasynyń tómendeıtini habarlandy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2026 jylǵy 20 qańtarda Qaraǵandy, Temirtaý, Balqash, Óskemen, Rıdder, Atyraý, Aqtóbe, Almaty qalalarynda aýanyń lastanýynyń qolaısyz meteorologııalyq jaǵdaılary kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Óskemen qalasynda aýaǵa taraǵan eki zııandy zat mólsheri ruqsat etilgen shekten asyp ketkeni anyqtaldy.  

Qalada eki kúnnen beri jel soqpaı tur. Sol sebepti ekinshi dárejeli qolaısyz meteorologııalyq jaǵdaı búgin keshki saǵat 20:00-ge deıin jalǵasady.