Elimizdiń 6 oblysyndaǵy joldarda kólik qozǵalysy shekteldi

ASTANA. KAZINFORM – «QazAvtoJol» UQ» AQ qaı óńirlerde joldardy tasqyn sý basqanyn jáne qandaı joldardyń bóliginde qozǵalys shektelgenin málim etti.

«2024 jylǵy 6 sáýirdegi saǵat 19:00-degi jaǵdaı boıynsha halyqaralyq jáne respýblıkalyq mańyzy bar avtomobıl joldarynda aýa-raıynyń jylynýy men qardyń tez erýi saldarynan 5 oblysta (Aqmola, Atyraý, SQO, Pavlodar, Qostanaı) 7 jol júrý ýchaskesinde jalpy uzyndyǵy 4 111 metr bolatyn sý tasqyny boldy», - delingen habarlamada.

6 oblystaǵy (Aqtóbe, Atyraý, Qostanaı, Pavlodar, Mańǵystaý, SQO) respýblıkalyq mańyzy bar 11 avtomobıl joldarynda (uzyndyǵy 530 km) qozǵalysqa shekteý qoıyldy. 

Aıta keteıik, qazirgi tańda respýblıkalyq joldarda 399 birlik tehnıka men 822 adam jumyldyrylǵan.