Elimizdiń 5 oblysynda respýblıkalyq mańyzy bar 12 jol jabyq tur

ASTANA. KAZINFORM — QazAvtoJol respýblıkalyq mańyzy bar joldardaǵy sý tasqyny týraly aǵymdaǵy derekterdi jarııalady.

«18 sáýir saǵat 09:00–degi jaǵdaı boıynsha halyqaralyq jáne respýblıkalyq mańyzy bar avtomobıl joldarynda aýa raıynyń jylynýy men qardyń kúrt erýi saldarynan 3 oblysta (Aqmola, SQO, Qostanaı) 8 jol júrý ýchaskesinde jalpy uzyndyǵy 7120 metr bolatyn sý tasqyny oryn aldy.

5 oblystaǵy (Aqtóbe, Aqmola, Atyraý, Qostanaı, SQO) respýblıkalyq mańyzy bar 12 avtomobıl joldarynda (uzyndyǵy 720 km) qozǵalysqa shekteý qoıyldy», — dep jazdy vedomstvodan.

Qazirgi tańda respýblıkalyq joldarda 307 birlik tehnıka men 370 adam jumyldyrylǵan.