Elimizdiń 5 oblysynda kólik qozǵalysyna shekteý engizildi
Aýa raıynyń nasharlaýyna baılanysty (tómen temperatýrada nóser jańbyr, boran) 5 oblystaǵy respýblıkalyq mańyzy bar avtojoldardyń 8 ýchaskesinde kólik qozǵalysyna shekteý engizildi, dep habarlaıdy Kazinform Kólik mınıstrliginiń baspasóz qyzmetine silteme jasap.
Jetisý oblysy:
«Úsharal-Dostyq» a / j, Kóktuma stantsııasynan Dostyq stantsııasyna deıingi ýchaske (100 shq).
Shekteý aýa raıynyń nasharlaýyna baılanysty (boran, joldyń kórinbeýi) kóliktiń barlyq túrlerine engizildi. Jınalǵan kólik sany – 68 júk kóligi.
Almaty oblysy:
«Almaty-Tashkent-Termez» a / j oblys, Jańaqurylys aýylynan Jambyl oblysynyń shekarasyna deıingi ýchaske (84 shq).
Shekteý Jambyl oblysynda aýa raıynyń nasharlaýyna baılanysty engizildi jáne kóliktiń barlyq túrleri úshin qoldanylady. Kóliktiń jınalýy joq.
Atyraý oblysy
«Aqtóbe-Atyraý - Reseı Federatsııasynyń shekarasy (Astrahanǵa)» 712-893 shq, Janbaı kenti Reseı Federatsııasynyń shekarasyna deıin (Astrahanǵa).
Shekteý kóliktiń barlyq túrlerine qoldanylady (jańbyr, kóktaıǵaq).
Jambyl oblysy (jıyntyq 600 shq):
- «Almaty-Tashkent-Termez», Kenen aýylynan Qaınar aýylyna deıingi ýchaske (Jańa Qordaı asýy) - 95 shq;
- «Shý-Qaınar» - 56 shq;
- «Almaty-Tashkent-Termez», Qaınar aýylynan Túrkistan oblysynyń shekarasyna deıingi ýchaske-354 shq;
- «Almaty-Tashkent-Termez», Almaty oblysynan Qaınar aýylyna deıingi ýchaske-95 shq.
Shekteý aýa raıynyń nasharlaýyna baılanysty engizildi (nólden tómen temperatýrada jańbyr, kóktaıǵaq) jáne kóliktiń barlyq túrlerine qoldanylady. Qaıta jabylǵan ýchaskelerde 50 avtomobıl, onyń ishinde 30 júk jáne 20 jeńil avtomobıl jınaldy.
Túrkistan oblysy:
«Almaty-Tashkent-Termez» a / j, Mashat aýylynan Jambyl oblysynyń shekarasyna deıingi ýchaske (62 shq).
Shekteý Jambyl oblysynda aýa raıynyń nasharlaýyna baılanysty engizildi jáne kóliktiń barlyq túrleri úshin qoldanylady. Kóliktiń jınalýy joq.
Jalpy, qazirgi ýaqytta shekteý respýblıkalyq avtojoldardyń 846 shq engizilgen. Jańadan jabylǵan ýchaskelerde 118 kóligi, onyń ishinde 98 júk jáne 20 jeńil kólik jınaldy.
Respýblıkalyq mańyzy bar avtojoldarda kóktaıǵaqqa qarsy jáne qar tazalaý jumystaryn júrgizetin 260 tehnıka jumyldyryldy.
