Elimizdiń 2 óńirinde joǵary órt qaýpi bar

ASTANA. KAZINFORM – Elimizdiń 2 óńirinde joǵary órt qaýpi bar. Bul týraly «Qazgıdromet» RMK  baspasóz hatshysy Alına Ysmaǵulova  aıtty.

«Qazaqstan aýmaǵynyń basym bóligine ońtústik tsıklon jáne onymen baılanysty atmosferalyq frontaldy bólikter áser etedi. Naızaǵaı oınap, jańbyr jaýady. Ońtústik-shyǵysta burshaq túsedi. Respýblıka boıynsha jel kúsheıedi. Ońtústik-batysta jáne ońtústik-shyǵysta shańdy daýyl kútiledi. Tek elimizdiń soltústik-shyǵysynda, shyǵysynda jaýyn-shashynsyz aýa raıy saqtalady. Qyzylorda oblysynyń ortalyǵynda, shyǵysynda jáne Qyzylorda qalasynda, Mańǵystaý oblysynyń soltústik-shyǵysynda joǵary órt qaýipi kútiledi», - dedi ol Ortalyq kommýnıkatsııalar qyzmetindegi brıfıngte.