Elimizdiń 17 turǵyny qajylyqqa baram dep, alaıaqqa aldandy
ASTANA. KAZINFORM – Astanada turǵyndardyń senimin paıdalanyp, alaıaqtyq jasaǵan adam sottaldy, dep habarlaıdy Astana qalasynyń prokýratýrasy.
Prokýratýranyń málimetterine qaraǵanda, sotalǵan adam ózin qajylyq saparyn uıymdastyrýshy retinde kórsetip, jalǵan áýe bıletteri men qonaqúılerge qajet degen jeleýmen azamattardyń 7,4 mln teńgeden astam qarajatyn ıemdengen.
Elimizdiń ár óńirinen 17 adam aldanyp qalǵan. Oolardyń arasynda qart ata-analaryn ýmraǵa jiberýdi josparlaǵan otbasylar da bar.
Sottalýshy iri kólemdegi alaıaqtyq jasaǵanyn moıyndap, jábirlenýshilerge keltirilgen zalaldy ótedi.
Sot úkimimen oǵan 3 jyl merzimge bas bostandyǵyn shekteý jazasy taǵaıyndalyp, probatsııalyq baqylaý belgilendi.
Prokýratýra qajylyqqa baılanysty qyzmetterdi alý úshin lıtsenzııasy bar týrıstik agenttikterge júginý qajettigin eske saldy.
- Aqshany tekserilmegen tulǵalarǵa, tipti ózderin qajylyq uıymdastyrýshysy retinde tanystyrǵan adamdarǵa aýdarý alaıaqtarǵa tap bolý qaýpin týdyrady, - delingen habarlamada.
Osyǵan deıin qajylyqqa aparatyn kompanııalar konkýrs arqyly irikteletini týraly jazdyq.
