Elimizdiń 17 óńirinde jas mamandar jeńildetilgen ıpotekamen úı ala alady
ASTANA. KAZINFORM — Qazaqstannyń 17 óńirinde jas mamandarǵa baspana alýǵa múmkindik beretin jeńildetilgen ıpotekalyq baǵdarlamalar júzege asyrylyp jatyr.
Bul týraly Mádenıet jáne aqparat vıtse-mınıstri Evgenıı Kochetov Halyqaralyq jastar kúnine arnalǵan brıfıngte aıtty.
Vıtse-mınıstr jastardy baspanamen qamtý memlekettik jastar saıasatynyń mańyzdy baǵyttarynyń biri ekenin atap ótti.
— Búginde 17 óńirde jas mamandarǵa arnalǵan jeńildetilgen ıpotekalyq baǵdarlamalar jumys isteıdi. Budan bólek, jastar respýblıkalyq turǵyn úı baǵdarlamalary arqyly da baspana alyp jatyr. Máselen, «Naýryz» jáne «Otaý» baǵdarlamalary arqyly 5,4 myńnan astam jas baspanaly boldy, — dedi spıker.
Budan basqa, jumysshy mamandyqtarynyń ókilderine arnalǵan «Naýryz jumysker» baǵdarlamasy iske qosylǵan.
Aıta keteıik, buǵan deıin Otbasy bank ıpotekaǵa qabyldanatyn úılerge qoıylatyn talaptardy ózgerkeni habarlandy.
