Elimizdiń 16 óńirinde aýa raıyna baılanysty eskertý jarııalandy
ASTANA. KAZINFORM – «Qazgıdromet» RMK elimizdiń barlyq óńirinde aýa raıyna baılanysty eskertý jarııalady.
2 qyrkúıekte Qazaqstan aýmaǵynyń basym bóliginde atmosferalyq frontaldy bólimder áli de aýa-raıynyń turaqsyz sıpatyn saqtaıdy: naızaǵaımen jańbyr jaýady, eldiń shyǵysynda, ońtústik-shyǵysynda qatty jańbyr, burshaq, daýyl kútiledi. Respýblıkanyń batysynda, soltústik-batysynda, soltústiginde antıtsıklon sileminiń áserinen-jaýyn-shashynsyz aýa raıy bolady. Respýblıka boıynsha jeldiń kúsheıýi kútiledi. QR soltústik-batysynda, soltústiginde túngi jáne tańerteńgi saǵattarda tuman bolady. Eldiń ońtústiginde shańdy daýyl kútiledi.
Soltústik Qazaqstan oblysynyń soltústiginde, Aqmola, Qaraǵandy oblystarynyń soltústiginde, shyǵysynda topyraq betinde 2 gradýs aıaz kútiledi.
Abaı, Ulytaý, Jetisý oblystarynda, Batys Qazaqstan oblysynyńbatysynda, Atyraý oblysynyń ortalyǵynda, shyǵysynda, Mańǵystaý oblysynyń soltústik-shyǵysynda, ortalyǵynda, Qyzylorda oblysynyń soltústik-batysynda, ortalyǵynda, Aqtóbe oblysynyń ońtústiginde, batysynda, ortalyǵynda, Almaty oblysynyń soltústiginde, ortalyǵynda, Shyǵys Qazaqstan oblysynyń batysynda, Qaraǵandy oblysynyń batysynda, shyǵysynda, Qostanaı oblysynyń ońtústiginde joǵary órt qaýipi saqtalady.
Qyzylorda, Túrkistan, Jambyl, Atyraý, Mańǵystaý, Batys Qazaqstan oblystarynda, Ulytaý oblysynyń ońtústiginde, Abaı oblysynyń batysynda, soltústik-batysynda, ońtústiginde, ortalyǵynda tótenshe órt qaýpi saqtalady.
