Elimizdiń 15 óńirinde aýa raıyna baılanysty eskertý jarııalandy

ASTANA. KAZINFORM –  19 aqpanda Qazaqstannyń 15 oblysynda aýa raıyna baılanysty eskertý jarııalandy, dep habarlaıdy «Qazgıdromet» RMK baspasóz qyzmeti. 

Abaı oblysynyń soltústiginde, shyǵysynda, ońtústiginde tuman kútiledi.

Atyraý oblysynyń ońtústigi men shyǵysynda qar, jaıaý boran bolady.

Aqmola oblysynyń batysy men soltústiginde qar, boran soǵady dep boljanyp otyr.

Túnde jáne tańerteń Aqtóbe oblysynyń soltústiginde tuman basady.

Shyǵys Qazaqstan oblysynyń soltústiginde, shyǵysynda, ońtústiginde tumandy kún raıy bolmaq.

Jambyl oblysynyń soltústiginde, ońtústiginde jáne taýly aımaqtarynda tuman bolady. Oblystyń ońtústik-batysynda, soltústik-shyǵysynda jáne taýly aımaqtarynda soltústik-shyǵystan soqqan jeldiń ekpini  15-20 m/s, túnde jel ekpini 25 m/s deıin jetedi.

Túnde jáne tańerteń Jetisý oblysynyń shyǵysynda, ortalyǵynda, taýly aımaqtarynda tuman túsedi. 

Batys Qazaqstan oblysynyń soltústiginde tuman boljanady.

Kúndiz Qaraǵandy oblysynda joldar kóktaıǵaq bolady. Oblystyń batysynda, soltústiginde, shyǵysynda keı ýaqyttarda tuman boljanady.

Qostanaı oblysynyń ońtústiginde, shyǵysynda qar jaýyp, boran soǵady. Soltústiginde, batysynda tuman boljanady. Tańerteń jáne kúndiz oblystyń ońtústiginde, shyǵysynda soltústik, soltústik-shyǵys jeliniń ekpini 15-20 m/s deıin jetedi.

Tańerteń jáne kúndiz Qyzylorda oblysynyń shyǵysynda kóktaıǵaq bolady. Soltústiginde, ortalyǵynda tuman boljanady.

Mańǵystaý oblysynyń batysynda, soltústiginde, ortalyǵynda kóktaıǵaq bolady. Soltústik-shyǵysynda jáne ortalyǵynda tuman boljanady.

Túnde jáne tańerteń Pavlodar oblysynyń ońtústiginde, shyǵysynda, ortalyǵynda tuman túsedi.

Soltústik Qazaqstan oblysynyń soltústiginde, ońtústiginde, shyǵysynda qar jaýyp, boran soǵady. Batysynda jáne ońtústiginde tuman boljanady. Ońtústiginde, shyǵysynda soltústik, soltústik-shyǵysta jel ekpini 15-20 m/s deıin jetedi.

Tańerteń jáne kúndiz Túrkistan oblysynyń batysynda, ońtústiginde, taýly jáne taý bókterindegi aýdandarynda jańbyr jaýyp, tumandy kún raıy bolady.