Elimizdiń 13 óńirinde daýyldy eskertý jarııalandy

ASTANA. KAZINFORM — «Qazgıdromet» RMK Qazaqstannyń birqatar óńirinde tuman túsip, kóktaıǵaq bolatynyn eskertti.

20 naýryzda túnde jáne tańerteń Qaraǵandy oblysynyń soltústiginde, shyǵysynda, ońtústiginde keı ýaqyttarda tuman kútiledi. Ońtústikten, ońtústik-shyǵystan jel soǵady, kúndiz oblystyń batysynda, soltústiginde, shyǵysynda ekpini 15-18 m/s jetedi.

Túnde jáne tańerteń Ulytaý oblysynyń soltústiginde, shyǵysynda, ońtústiginde keı ýaqyttarda tuman túsedi. Ońtústikten, ońtústik-shyǵystan jel soǵady, kúndiz oblystyń batysynda, soltústiginde ekpini 15-18 m/s jetedi.

20 naýryzda Almaty oblysynyń ońtústiginde, shyǵysynda ońtústik-shyǵystan jel soǵady, ekpini 15-20 m/s barady. Qonaev qalasynda 20 naýryzda ońtústik-shyǵystan jel soǵady, ekpini 15 m/s jetýi yqtımal.

Pavlodar oblysynyń batysynda, ońtústiginde ońtústikten jel soǵady, ekpini 15-20 m/s jetedi dep kútiledi.

20 naýryzda túnde jáne tańerteń Aqtóbe oblysynyń shyǵysynda, soltústiginde tuman kútiledi.

Túnde jáne tańerteń Atyraý oblysynyń soltústiginde, batysynda tuman kútiledi. Soltústik-batystan, soltústikten jel soǵady, kúndiz oblystyń ońtústiginde, shyǵysynda jyldamdyǵy 15-20 m/s jetedi.

20 naýryzda tańerteń jáne kúndiz Aqmola oblysynyń batysynda, soltústiginde, ońtústiginde jańbyr kútiledi. Ońtústik-batystan jel soǵady, oblystyń batysynda, soltústiginde, shyǵysynda ekpini 15-20 m/s jetedi.

Soltústik Qazaqstan oblysynda túnde batysynda, soltústiginde jaýyn-shashyn (jańbyr, qar), kóktaıǵaq bolyp, kúndiz jańbyr jaýady. Oblystyń batysynda, soltústiginde tuman kútiledi. Ońtústik-batystan soǵatyn jel soltústik-batysqa aýysady, oblystyń batysynda, ońtústiginde ekpini 15-20 m/s jetýi múmkin. Petropavl qalasynda 20 naýryzda túnde jaýyn-shashyn (jańbyr, qar), kóktaıǵaq, kúndiz jańbyr kútiledi. Sonymen qatar tuman túsedi.

20 naýryzda Abaı oblysynda jel ońtústik-shyǵystan, ońtústikten soǵady, oblystyń ońtústiginde, ortalyǵynda 15-20, kúndiz ekpini 23 m/s jetýi yqtımal.

Túnde jáne tańerteń Mańǵystaý oblysynyń soltústik-batysynda tuman kútiledi.

20 naýryzda Qostanaı oblysynda túnde oblystyń batysynda, soltústiginde jaýyn-shashyn (qar, jańbyr), kóktaıǵaq kútiledi. Oblystyń soltústiginde, batysynda, shyǵysynda tuman túsedi. Soltústikten, soltústik-batystan jel soǵady, kúndiz oblystyń ońtústiginde ekpini 15-20 m/s jetýi múmkin.

Jambyl oblysynyń taýly aýdandarynda tuman kútiledi. Soltústik-shyǵystan soǵatyn jel ońtústik-batys jeline aýysady, oblystyń ońtústik-batysynda, soltústik-shyǵysynda, taýly aýdandarynda 15-20 m/s kútiledi.

20 naýryzda Batys Qazaqstan oblysynyń batysynda, ońtústiginde, soltústiginde tuman kútiledi. Jel soltústik-batystan soǵady, oblystyń ońtústiginde, shyǵysynda kúndiz ekpini 15-20 m/s jetedi. Oral qalasynda 20 naýryzda tuman kútiledi.

Buǵan deıin Qazgıdromet aýa raıy boljamyn jarııalap, tuman, kóktaıǵaq, jel soǵatynyn habarlaǵan edi.