Elimizdiń 13 oblysynda aýa raıyna baılanysty eskertý jarııalandy
ASTANA. KAZINFORM – 3 qazan kúni Qazaqstannyń 12 oblysynda aýa raıyna baılanysty eskertý jarııalandy.
3 qazan kúni QR basym bóliginde atmosferalyq frontaldy bólimderdiń ótýimen jańbyr kútiledi, respýblıkanyń ońtústik-batysynda qatty jańbyr boljanady, ońtústik-shyǵystyń taýly aımaqtarynda túnde keı ýaqyttarda qatty jaýyn-shashyn (jańbyr, qar) jaýady.
Eldiń batysynda, ońtústiginde, ońtústik-shyǵysynda naızaǵaı kútiledi, ońtústik-shyǵystyń taýly aımaqtarynda jańbyr men qar túrinde jaýyn-shashyn kútiledi. Respýblıkanyń soltústiginde, soltústik-batysynda ǵana joǵary qysymdy óristiń áserinen qurǵaq jáne jyly aýa raıy kútiledi. QR boıynsha jeldiń kúsheıýi kútiledi, túngi jáne tańerteńgi saǵattarda soltústikte, soltústik-batysta, eldiń ońtústik-shyǵysyndaǵy taýly aýdandarda tuman bolady.
Qaraǵandy, Abaı oblystarynda, Aqtóbe oblysynyń soltústiginde, soltústik-shyǵysynda, Ulytaý oblysynyń shyǵysynda, Batys Qazaqstan oblysynyń soltústiginde, Qyzylorda oblysynyń soltústik-batysynda, Jambyl oblysynyń ońtústik-shyǵysynda, Qostanaı oblysynyń ońtústiginde, Mańǵystaý oblysynyń shyǵysynda, batysynda, ońtústiginde, Shyǵys Qazaqstan oblysynyń ortalyǵynda joǵary órt qaýpi saqtalady.
Mańǵystaý, Atyraý, Aqtóbe, Túrkistan, Qyzylorda, Jambyl, Batys Qazaqstan oblystarynda, Qostanaı oblysynyń ońtústik-batysynda, Ulytaý oblysynda, Qaraǵandy oblysynyń batysynda, shyǵysynda, Abaı oblysynyń ońtústiginde, Jetisý oblysynyń batysynda, soltústiginde, ortalyǵynda, Almaty oblysynyń soltústiginde, batysynda tótenshe órt qaýpi saqtalady.
