Elimizdiń 12 óńirinde aýa raıyna baılanysty eskertý jarııalandy

ASTANA. KAZINFORM — Erteń eldiń búkil aýmaǵynda aýa raıyna baılanysty eskertý jarııalandy.

Astana qalasynda keı jerlerde qar jaýyp, jaıaý boran soǵady. Joldarda kóktaıǵaq bolady. Jel ońtústik-batystan soǵady, tańerteń jáne kúndiz ekpini sekýndyna 15–20 metrge deıin jetedi.

Aqmola oblysynda qar jaýyp, oblystyń soltústiginde, shyǵysynda jáne ońtústiginde boran bolady. Kóktaıǵaq bolady. Jel ońtústik-batystan, ekpini 15–20 m/s, kúndiz oblystyń shyǵysynda keı jerlerde 25 m/s-qa deıin kúsheıedi. Kókshetaý qalasynda qar jaýyp,  boran soǵady. Jolda kóktaıǵaq bolady. Jel ońtústik-batystan, ekpini 15–20 m/s.

Abaı oblysynda túnde ońtústikte jáne ortalyqta qar, boran soǵyp, kóktaıǵaq bolady; kúndiz batysta jáne soltústikte qar jaýyp, boran soǵyp, kóktaıǵaq bolady. Túnde jáne tańerteń shyǵysta tuman túsedi. Jel ońtústikten, ońtústik-batystan, túnde ońtústikte, kúndiz batysta, soltústikte jáne ortalyqta jyldamdyǵy 15–20 m/s.

Almaty oblysynda ońtústikte jáne taýly aımaqtarda tuman bolady. Almaty qalasynda túnde jáne tańerteń tuman bolady.

Shyǵys Qazaqstan oblysynda soltústikte, shyǵysta jáne ońtústikte qar jaýyp, boran soǵypjáne kóktaıǵaq bolady. Túnde jáne tańerteń shyǵysta tuman túsedi. Jel ońtústik-batystan, batystan soǵady: túnde ońtústikte, kúndiz batysta, soltústikte jáne ońtústikte 15–20 m/s jyldamdyqpen soǵady.

Batys Qazaqstan oblysynda túnde jáne tańerteń batysta, soltústikte jáne shyǵysta tuman túsedi. Oral qalasynda túnde jáne tańerteń tuman bolady.

Jambyl oblysynda ońtústikte jáne taýly aımaqtarda tuman túsedi. Jel soltústik-shyǵystan, taýly jerlerde ekpini 15–20 m/s. Taraz qalasynda keı ýaqytta tuman bolady.

Jetisý oblysynda taýly aımaqtarda kóktaıǵaq pen tuman bolady. Jel soltústik-batystan, Alakól kólderi aýdanynda ekpini 15–20 m/s, keı jerlerde 23–28 m/s-qa deıin jetedi.

Qaraǵandy oblysynda batysta, soltústikte jáne shyǵysta qar jaýady, kúndiz soltústikte jáne shyǵysta jaıaý boran soǵady. Jel ońtústik-batystan, kúndiz batysta, soltústikte jáne shyǵysta ekpini 15–20 m/s. Qaraǵandy qalasynda tańerteń jáne kúndiz qar jaýyp, boran soǵady jeldiń ekpini 15–18 m/s.

Qostanaı oblysynda batysta, soltústikte jáne shyǵysta jaýyn-shashyn (jańbyr, qar), jaıaý boran soǵyp, kóktaıǵaq bolady. Túnde jáne tańerteń osy aýdandarda tuman bolady. Jel ońtústik-batystan, ekpini 15–20 m/s.

Pavlodar oblysynda kúndiz qar jaýyp, oblystyń batysy men ońtústiginde boran soǵady. 

Soltústik Qazaqstan oblysynda túnde qar, kúndiz jańbyr men qar túrinde jaýyn-shashyndy bolyp, boran soǵyp, kóktaıǵaq bolady. Oblystyń batysynda keı jerlerde tuman. Jel ońtústik-batystan 15–20 m/s, batysy men ońtústiginde ekpini 25 m/s-qa deıin jetedi. Petropavl qalasynda túnde qar, kúndiz jańbyr aralas qar jaýady, boran soǵyp, kóktaıǵaq bolady. Jel ońtústik-batystan 15–20 m/s jyldamdyqta soǵady.

Túrkistan oblysynda ońtústikte, batysta jáne taýly aýdandarda tuman túsedi. Shymkent qalasynda túnde jáne tańerteń tuman bolady. Túrkistan qalasynda da túnde jáne tańerteń tuman túsedi.