Elimizdiń 11 óńirinde daýyldy eskertý jarııalandy

ASTANA. KAZINFORM – «Qazgıdromet» RMK elimizdiń birneshe óńirinde aýa raıyna baılanysty daýyldy eskertý jarııalady. 

Astanada túnde jáne tańerteń tuman bolady.

Aqmola oblysynda túnde jaýyn-shashyn (jańbyr, qar) bolady, oblystyń batysy men soltústiginde kóktaıǵaq bolady. Túnde jáne tańerteń oblystyń batysynda, soltústiginde jáne ońtústiginde tuman túsedi. Soltústik-batys jeli oblystyń soltústigi men shyǵysynda 15-20 m/s jyldamdyqpen soǵady.

Aqtóbe oblysynda kúndiz oblystyń batysy men ońtústiginde ońtústik-shyǵys jeli 15-18 m/s jyldamdyqpen soǵady.

Atyraý oblysynda kúndiz oblystyń batysy men ońtústiginde naızaǵaı oınaıdy. Ońtústik-shyǵys, shyǵys jeli oblystyń batysy, ońtústigi jáne shyǵysynda 15-20 m/s deıin kúsheıedi.

Jambyl oblysynyń ońtústigi men taýly aımaqtarynda túnde jáne tańerteń tuman kútiledi. Taýly aýdandarda soltústik-shyǵys jeliniń jyldamdyǵy 15-20 m/s bolady.

Jetisý oblysynyń shyǵysynda kúndiz shyǵys jel 15-20 m/s jyldamdyqpen soǵady.

Batys Qazaqstan oblysynda kúndiz oblystyń batysy men ońtústiginde shyǵys jel 15-20 m/s deıin kúsheıedi.

Qaraǵandy oblysynda túnde oblystyń batysy, soltústigi jáne shyǵysynda jaýyn-shashyn (jańbyr, qar) kútiledi, kóktaıǵaq bolady. Kúndiz oblystyń soltústigi men shyǵysynda jańbyr jaýady.

Qostanaı oblysynda túnde jáne tańerteń oblystyń batysy men ońtústik-shyǵysynda tuman kútiledi.

Mańǵystaý oblysynyń ortalyǵynda kúndiz naızaǵaı bolady. Soltústik-shyǵysy men ortalyǵynda shańdy daýyl kútiledi. Ońtústik-shyǵys jeli soltústik-shyǵys pen ortalyqta soltústik-batysqa aýysyp, 15-20 m/s jyldamdyqqa jetedi.

Pavlodar oblysynda kúndiz ońtústik-batys jeliniń jyldamdyǵy 15-20 m/s bolady.

Soltústik Qazaqstan oblysynyń shyǵysy men ońtústiginde túnde jańbyr jaýady. Oblystyń ońtústik-batysynda túnde jáne tańerteń tuman kútiledi. Kúndiz soltústigi, shyǵysy jáne ońtústiginde batys, soltústik-batys jeliniń ekpini 15-20 m/s deıin jetedi.