Elimizdiń 11 óńirinde aýa raıyna baılanysty eskertý jarııalandy

ASTANA. KAZINFORM – «Qazgıdromet» RMK-sy Qazaqstannyń 11 oblysynda aýa raıyna baılanysty eskertý jasady.

Kásiporynnyń boljamyna qaraǵanda, Astanada 5 aqpanda túnde jáne tańerteń tuman túsedi.

Batys Qazaqstan oblysynyń batysynda, soltústik-batysynda kóktaıǵaq bolady. Oblystyń batysynda, soltústiginde, ońtústiginde tuman túsedi.

Abaı oblysynyń ońtústik-batysynda, ońtústiginde jaıaý burqasyn soǵady. Oblystyń batysynda, soltústiginde, ortalyǵynda tuman túsedi. Jel soltústik-shyǵystan soǵady, oblystyń ońtústik-batysynda, ońtústiginde jyldamdyǵy 15-20 m/s.

Shyǵys Qazaqstan oblysynyń batysynda, soltústiginde, ońtústiginde tuman túsedi.

Atyraý oblysynyń batysynda tuman túsip, kóktaıǵaq bolady.

Aqtóbe oblysynyń Muǵaljar aýdanynda jaıaý burqasyn soǵady. Soltústik-shyǵystan, shyǵystan jel soǵady, Muǵaljar aýdanynda ekpini 15-20 m/s.

5 aqpanda kúndiz Qaraǵandy oblysynyń soltústiginde, shyǵysynda azdaǵan qar jaýyp, jaıaý burqasyn soǵady. Oblystyń soltústiginde, shyǵysynda keı ýaqytta tuman túsedi. Soltústik-shyǵystan jel soǵady, oblystyń soltústiginde, shyǵysynda ekpini 15-20 m/s.

Soltústik Qazaqstan oblysynyń ońtústiginde, soltústiginde, shyǵysynda tuman túsedi.

Ulytaý oblysynyń soltústiginde, ońtústiginde, ortalyǵynda keı ýaqytta tuman túsedi. Soltústik-shyǵystan jel soǵady, oblystyń soltústiginde, ońtústiginde ekpini 15-20 m/s.

Pavlodar oblysynyń soltústiginde azdaǵan qar jaýyp, jaıaý burqasyn soǵady. Oblystyń soltústiginde, batysynda tuman túsedi. Soltústik-shyǵystan jel soǵady, kúndiz oblystyń batysynda, ońtústiginde ekpini 15-20 m/s.

Qostanaı oblysynyń soltústiginde, shyǵysynda tuman túsedi. Shyǵystan jel soǵady, kúndiz oblystyń ońtústiginde jyldamdyǵy 15 m/s.

Aqmola oblysynyń soltústiginde, shyǵysynda tuman túsedi. Shyǵystan, soltústik-shyǵystan jel soǵady, oblystyń batysynda, ońtústiginde, shyǵysynda ekpini 15-20 m/s kútiledi.

Osyǵan deıin kúnniń buzylýyna baılanysty eki oblysta jol jabylatyny týraly habarladyq.