Elimizdiń 11 oblysynda aýa raıyna baılanysty eskertý jarııalandy

ASTANA. KAZINFORM – 1 jeltoqsanda Qazaqstannyń basym bóliginde tuman túsip, kóktaıǵaq bolady. Bul týraly «Qazgıdromet» RMK habarlady.

Astanada túnde jáne tańerteń tuman túsedi.

Kúndiz Almaty oblysynyń taýly aımaqtarynda keı jerlerde qatty jaýyn-shashyn (jańbyr, qar) bolady. Ońtústikte, oblystyń taýly aımaqtarynda tuman túsip, joldarda kóktaıǵaq bolady. Batystan jel soǵady, ekpini 15-20 m/s.

Batys Qazaqstan oblysynyń soltústigi men shyǵysynda túnde jáne tańerteń tuman túsýi múmkin.

Soltústikte, Qyzylorda oblysynyń ortalyǵynda tuman, túnde oblystyń soltústiginde kóktaıǵaq kútiledi.

Jetisý oblysynyń ortalyǵynda jáne taýly aımaqtarda keı jerlerde tuman túsedi.

Shyǵys Qazaqstan oblysynyń batysynda, soltústiginde jáne shyǵysynda kóktaıǵaq bolady. Túnde jáne tańerteń oblystyń soltústigi men shyǵysynda tuman túsedi.

Abaı aýdanynyń soltústiginde, shyǵysynda jáne ońtústiginde kóktaıǵaq kútiledi. Túnde jáne tańerteń oblystyń soltústigi men ońtústiginde tuman túsedi. Tańerteń ońtústik-batystan soǵatyn jeldiń kúshi kúndiz ońtústikte, oblys ortalyǵynda 15-20 m/s bolady.

Mańǵystaý oblysynyń soltústiginde kóktaıǵaq kútiledi. Oblystyń batysy men soltústiginde tuman túsedi.

Túrkistan oblysynyń taýly jáne taý bókterindegi aýdandarynda túnde jáne tańerteń qatty jaýyn-shashyn (jańbyr, qar) kútiledi. Keıde tuman túsýi múmkin. Oblystyń soltústiginde, batysynda, ortalyǵynda, taýly jáne taý bókterindegi aýdandarda ońtústik-batystan 15-20 m/s tezdikte jel soǵady.

Soltústik Qazaqstan, Aqmola, Qostanaı oblystarynyń batysy men ońtústiginde tuman kútiledi.

Buǵan deıin habarlaǵanymyzdaı, Qazaqstannyń 15 óńirinde aýa raıyna baılanysty eskertý jarııalandy.