Elimizdiń 11 qalasynda aýa sapasy nasharlaıdy

ASTANA. KAZINFORM — Sınoptıkter elimizdegi búgingi aýa sapasyna qatysty boljamyn jarııalady. 

— 2026 jylǵy 29 qańtarda Pavlodar, Qaraǵandy, Jezqazǵan, Balqash, Temirtaý, Óskemen, Semeı, Rıdder, Aqtóbe, Almaty qalalarynda, túnde Astana qalasynda aýanyń lastanýynyń qolaısyz meteorologııalyq jaǵdaılary boljanǵan, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Almatyda aýdandardyń aýa sapasy boıynsha reıtıngi jasaldy.

Búgin Qazaqstannyń barlyq óńiri boıynsha aýa raıyna baılanysty eskertý jarııalandy.