Elimizdiń 11 qalasynda aýa sapasy nasharlaıdy

ASTANA. KAZINFORM — 29 qazanda túnde úsh, kúndiz 8 qalada aýa sapasy tómendeıdi, dep habarlady «Qazgıdromet» RMK.

— 2025 jylǵy 29 qazanda qolaısyz meteorologııalyq jaǵdaılar Qostanaı, Qaraǵandy, Temirtaý, Óskemen, Semeı, Rıdder, Almaty, Astana, túnde Atyraý, Kókshetaý, Petropavlovsk qalalarynda bolýy múmkin, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Búgin elimizdiń 15 óńirinde kún raıy buzylýy múmkin.