Elimizden benzın jáne dızel otynyn shyǵarýǵa tyıym salyndy

ASTANA. KAZINFORM — Energetıka, Qarjy, Іshki ister mınıstrlikteri jáne Ulttyq qaýipsizdik komıtetiniń «QR aýmaǵynan munaı ónimderin áketýdiń keıbir máseleleri týraly» birlesken buıryǵyna ózgeris engizildi.

Qujatqa saı, Qazaqstan Respýblıkasynyń aýmaǵynan tysqary, onyń ishinde Eýrazııalyq ekonomıkalyq odaqqa múshe memleketterge avtomobıl kóligimen benzın, dızel otyny jáne munaı ónimderiniń jekelegen túrlerin (2709 00, 2710, 2902, 3403, 3811, 3826 00 EAEO SEQ TN kodtary) áketýge alty aı merzimge tyıym salý engizilgen.

Tyıym myna ónimderge taralmaıdy: 

• maılaý maılaryna (2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0 EAEO SEQ TN kodtary);
• daıyndaýshy zaýytta kózdelgen avtomobıl kólik quraldarynyń benzın baktaryndaǵy benzınge;
• ǵylymı-zertteý jumystaryn júrgizý úshin alynǵan avıatsııalyq otynǵa (ýákiletti organmen kelisilgen jáne qajetti avıatsııalyq otyn úlgileriniń kólemi kórsetilgen hat bolǵan jaǵdaıda);
• Qazaqstan Respýblıkasy Úkimetiniń sheshimi boıynsha gýmanıtarlyq kómek sheńberinde áketiletin munaı ónimderiniń jekelegen túrlerine.

QR Energetıka mınıstrligi bul shara ishki naryqta janar-jaǵarmaı tapshylyǵyna jol bermeý úshin jasalǵanyn atap ótken. 

Aıta keteıik, buıryq 29 qańtardan bastap kúshine endi.