Elimizdegi JEO-larda kómir qory jetkilikti me

QR Energetıka mınıstrligi óńirlerdegi jylytý kezeńiniń ótý barysyna monıtorıng júrgizedi. Bul másele Respýblıka Úkimetiniń qatań baqylaýynda, dep habarlaıdy Kazinform mınıstrliktiń baspasóz qyzmetine silteme jasap. 

Sońǵy táýlikte keıbir oblystardaǵy jylýmen jabdyqtaý obektilerinde tehnologııalyq buzýshylyqtar tirkeldi. JEO-daǵy buzýshylyqtardy joıý úshin barlyq qajetti materıaldar, sondaı-aq personal tolyq kólemde bar.

Qazir Jezqazǵan jylý elektr ortalyǵy men Kentaý jylý elektr ortalyǵynda rezervtik qazandyqtar bir kún buryn iske qosyldy. Al Rıdder JEO-da temperatýra bekitilgen kesteden tómendeýi tirkelgen joq.

Jalpy, respýblıka boıynsha elektr stantsııalarynda 8 energoblok, 43 qazandyq jáne osyndaı 43 týrbınaǵa jóndeý jasaldy.

Kómir qory – 4,9 mln tonna. Bul ótken jylǵy deńgeıden 67% - ǵa artyq. 108 myń tonna mazýt jınaldy. Barlyq JEO-da otynnyń normatıvtik qory bar.

Energetıka mınıstrligi 2023 jylǵy 1 maýsymnan bastap elektr energııasyn óndirýge arnalǵan shekti tarıfti túzetýdi júrgizdi. Bul shara elektr stantsııalaryn jóndeýge 146,5 mlrd teńge kóleminde qarjy kólemin tartýǵa múmkindik berdi.

Memlekettik qoldaý sharalary sheńberinde jekelegen jylý kózderin jylytý maýsymyna daıyndaý úshin QR Úkimetiniń rezervinen Rıdder jáne Ekibastuz qalalarynyń JEO, Aqtaý qalasynyń energııa kózderi úshin kúrdeli jóndeý, rekonstrýktsııalaý jáne qajetti jabdyqtardy satyp alýǵa qarajat bólindi. Atap aıtqanda, Kókshetaý qalasynyń qazandyǵyn jóndeýge 21,5 mlrd teńge bólindi. Bul barlyq negizgi jabdyqtardy kúrdeli jóndeýge múmkindik berdi.

Sondaı-aq Kentaý qalasynyń JEO jóndeýge oblystyq bıýdjetten 3,7 mlrd teńge bólindi.