Elimizdegi jeńil avtokólikterdiń 40%-dan astamy ábden eskirgen – resmı statıstıka
ASTANA. KAZINFORM - Qazaqstandaǵy jeńil mashınalardyń basym bóligi 20 jyldan astam ýaqyt buryn jasalǵan. Bul jóninde «Qazaqstannyń avtokólik odaǵy» ZTB prezıdenti Anar Maqasheva Astanada ótken baspasóz konferentsııasynda aıtty.
Ol 2025 jyldyń 1 qyrkúıegindegi jaǵdaı boıynsha statıstıkany keltirdi.
Resmı derekke sensek, Qazaqstanda 5,9 mln jeńil kólik tirkelgen. Sonyń 41,5%-y, ıaǵnı 2,44 mıllıony keminde 20 jyl buryn shyqqan. Al 1 425 231 kólik (24,2%) 10-20 jyl buryn, 606 589 kólik (10,3%) 7-10 jyl buryn, 1 014 059 kólik (17,2%) 3-7 jyl buryn, 399 475 kólik (6,8%) sońǵy 3 jyl ishinde óndirilgen.
– Baıqasańyz, elimizdegi avtokólikterdiń ishinde 1-7 jyl shyqqandary edáýir kóp. Bul otandastarymyz sońǵy birneshe jylda jańa kólik minýge umtylǵanyn bildiredi. Alaıda jeńil kólikterdiń 41,5%-y 20 jyldan astam ýaqyt buryn jasalǵan. Bul kóńil kónshiterlik jaǵdaı emes. Sondyqtan bizdiń basty maqsattarymyzdyń biri – qazaqstandyq avtokólik parkin birte-birte jańartý, – dedi A. Maqasheva.
Aıta keteıik, buǵan deıin bıyl elimizde 209 myń avtokólik jasalatynyn jazǵanbyz.
