Elimizdegi úılerdiń úshten biriniń salynǵanyna 50 jyldan asyp ketken

ASTANA. KAZINFORM - Ulttyq statıstıka bıýrosy Qazaqstandaǵy baspananyń jaı-kúıine baǵa berdi. 

Úı-jaıdyń qyzmet etý merzimi boıynsha turǵyn úı qorynyń 29,3% astamy 1970 jylǵa deıin paıdalanýǵa berilgen.

1971-1990 jyldary — taǵy 26,3%, 1991-2010 jyldary — 23,4%, 2010 jyldan keıin — qalǵan 19,5% (1,5% úıdiń iske qosý derekteri joq).

Baspananyń jalpy alańynyń, sonda turatyn adamdardyń sanyna qatysy retinde aıqyndalatyn bir adamǵa shaqqandaǵy turǵyn úımen qamtamasyz etý kólemi 2023 jyly 23,9 m² boldy, bir jyl buryn ol 23,4 m² bolǵan.

Turǵyn úı qorynyń aýdany boıynsha Almaty qalasy (54,8 mln m2), Túrkistan oblysy (34,3 mln m2) jáne Astana (33,8 mln m2) kósh bastap tur.

Eske sala keteıik, Qazaqstanda bas-aıaǵy 2 527 809 turǵyn úı bar.

Baspananyń túri boıynsha jeke úılerdiń jalpy sany — 2 219 826. Onyń 40,6% — qalalyq, 59,4% — aýyldyq jerlerde.

Kóppáterli úılerdiń sany — 307 983. Ondaǵy páterlerdiń sany — 5 891 573 boldy.