Elimizdegi statsıonarlarda 152 polıtsııa beketi jumys isteıdi
ASTANA. KAZINFORM – Densaýlyq saqtaý mınıstrligi aýmaqtyq polıtsııa departamentterimen birlesip, respýblıka boıynsha medıtsınalyq uıymdarda táýlik boıy jumys isteıtin 152 polıtsııa beketin uıymdastyrdy.
Búginde polıtsııa beketteri mynadaı statsıonarlarda ornalasqan:
-
qalalyq – 30;
-
oblystyq – 10;
-
balalar – 12;
-
perınataldyq ortalyqtar – 5;
-
aýdandyq ortalyq aýrýhanalar – 48;
-
aýdandyq aýrýhanalar – 23.
Posttardy engizý oqıǵalarǵa jedel jaýap berýge, shıelenisterdiń aldyn alýǵa jáne medıtsına qyzmetkerleri men patsıentterdiń qaýipsizdigin qamtamasyz etýge múmkindik beredi.
Bul shara medıtsına qyzmetkerlerine shabýyl jasaý jaǵdaılarynyń kóbeıýine baılanysty qabyldandy.
Aıta keteıik, Memleket basshysy qyzmettik mindetterin atqarý kezinde medıtsına qyzmetkerlerine qatysty zorlyq-zombylyq úshin jazany qatańdatýdy tapsyrǵan bolatyn.
Buǵan deıin Úkimet Densaýlyq saqtaý mınıstrliginiń quzyretin keńeıtti.