Elimizdegi shetel ýnıversıtetterinde Konstıtýtsııa qazaq tilinde oqytylady – Saıasat Nurbek

ASTANA. KAZINFORM – Ǵylym jáne joǵary bilim mınıstri Saıasat Nurbek elimizde ashylyp jatqan shetel joǵary oqý oryndarynyń fılıalynda qazaq tili men Qazaqstan tarıhynan bólek, Konstıtýtsııa jáne quqyq negizderi qazaq tilinde ótetinin málim etti.

«Memlekettik standartqa sáıkes, elimizde ashylǵan kez kelgen sheteldik joǵary oqý ornynyń fılıalynda qazaq tili, Qazaqstan tarıhy pánderi bolady. Bul – memlekettik standarttyń talaby. Jalpy oqý mazmuny shet tilinde, eń myqty standarttarmen oqytylady, biraq til, tarıh, Konstıtýtsııa, quqyq negizderi mindetti túrde qazaq tilinde saqtalady», - dedi Saıasat Nurbek agenttik tilshisiniń saýalyna jaýap bere turyp.

Mınıstrdiń málimdeýinshe, qazir elimizde ashylǵan shetel joǵary oqý oryndary fılıalynda atalǵan standarttar oryndalyp jatyr.

«Biz ony talap etemiz, ol jaǵynan eshqandaı kedergi joq, bizdiń sheteldik seriktesterimiz oǵan qosylady, eshqandaı qarsylyq joq», - dep tolyqtyrdy vedomstvo basshysy.

Eske sala ketsek, buǵan deıin elimizde ashylǵan shetel ýnıversıtetteri fılıalynda «Qazaq tili», «Qazaqstan tarıhy» pánin oqytý mindetteletini belgili bolǵan edi.