Elimizdegi iri sý qoımalarynda 64,2 mlrd tekshe metr sý jınaldy
ASTANA. KAZINFORM – Elimizdegi iri sý qoımalarynda jınalǵan sý qory bıylǵy sýarý maýsymynyń qajettiligin qamtamasyz etýge jetkilikti. Bul týraly Sý resýrstaryn retteý, qorǵaý jáne paıdalaný komıtetiniń tóraǵasy Seıilbek Nurymbetov Ortalyq kommýnıkatsııalar qyzmetinde ótken brıfıngte málimdedi.
Onyń aıtýynsha, búginde elimizdiń iri sý qoımalarynda 64,2 mlrd tekshe metr sý jınalǵan. Bul olardyń jobalyq syıymdylyǵynyń 75 paıyzy.
– Qolda bar sý qory bıylǵy sýarý maýsymynyń qajettiligin qamtamasyz etýge jetkilikti. Mınıstrlik gıdrologııalyq jaǵdaıdy, sý túsiminiń boljamdaryn jáne aýyl sharýashylyǵy taýaryn óndirýshilerdiń qajettilikterin eskere otyryp, sý qoımalarynyń jumys tártibin kún saıyn rettep otyrady, – dedi Seıilbek Nurymbetov.
Onyń sózinshe, mundaı tásil gıdrologııalyq jaǵdaı ózgergen kezde jedel sheshim qabyldaýǵa jáne barlyq óńirde sýdyń turaqty berilýin qamtamasyz etýge múmkindik beredi.
Eske salaıyq, buǵan deıin elimizde sý sharýashylyǵyn jańǵyrtý aıasynda jańa Sý kodeksi qabyldanyp, sý ınfraqurylymyn jańartý jumystary qolǵa alynǵany týraly jazǵan edik.
