Elimizdegi qoǵamdyq avtobýstarǵa júrgizýshiler jetispeı jatyr

Senator Evgenıı Bolgert óziniń depýtattyq saýalynda qalalyq qoǵamdyq kólik jumysyndaǵy problemany atady, dep habarlaıdy QazAqparat tilshisi.

Depýtattyń sózine qaraǵanda, belgilengen tarıf pen jol aqysynyń naqty quny arasyndaǵy aıyrmashylyqty jabý úshin tasymaldaýshynyń shyǵyndaryna turaqty túrde sýbsıdııa bermese, qyzmettiń bul túri tym tıimsiz. Alaıda, sýbsıdııa mólsheri únemi ósip kelse de, bul saladaǵy másele sheshilmeı jatyr.
Sondaı-aq, senator dızel otynyna, qosalqy bólshekterge, avtobýstar men elektr avtobýstaryna baǵanyń óse túskeni týraly derekterdi alǵa tartty.

«Kóptegen qala men eldi mekenderde jolaýshylardyń jaıly tasymaly týraly aıtý múmkin emes. Salanyń kóptegen mamandary basqa jaqqa jumysqa ketýge májbúr. Júrgizýshilerdiń tapshylyǵynan keıbir avtobýs parkterinde avtobýstar qańtarylyp tur, bul jolaýshylardyń aıaldamada turyp qalýyna jáne azamattardyń narazylyǵyna ákelip soǵady. Qalalyq marshrýttarda 10 525 avtobýs tartylǵan. Al Іshki ister mınıstrligi málimetine qaraǵanda, elimizde «D» sanatyndaǵy júrgizýshi kýáligi bar 387 000 adam bar. ıAǵnı, avtobýs júrgize alatyn osynshama adam bul mamandyqqa barýǵa qulshynys tanytpaýda», - dedi E. Bolgert Senattyń jalpy otyrysynda.

Depýtat bıýdjet aqshasy men tabysty marshrýttardy turaqty alyp turatyn memlekettiń úlesi bar avtoparkterge artyqshylyq berilip jatqanyn da jetkizdi. Al jeke avtoparkterdiń jaǵdaıy kúrt nasharlap barady. Bankter tabysy tómen jáne sýbsıdııanyń shekteýli bolýyna baılanysty jeke parkterge jańa avtobýs satyp alýǵa nesıe berýden bas tartyp otyr.

Sóz sońynda: «Qala ishindegi jáne qalaaralyq baǵyttaǵy tasymaldaýshylardyń shyǵynyn jabýǵa sýbsıdııa bólý jónindegi aqparattyq júıe ázirleý kerek», - dedi senator.