Elimizdegi halyq sany 1897 jyldan beri qalaı ózgerdi

ASTANA. KAZINFORM – Qazaqstan aýmaǵyndaǵy halyq sanynyń XIX ǵasyrdyń sońynan beri qalaı ózgerdi. Bul týraly málimetti Ulttyq statıstıka bıýrosy jarııalady. 

Reseı ımperııasynyń 1897 jylǵy alǵashqy jalpyhalyqtyq sanaǵynyń derekterine sáıkes, keıinirek Qazaq ASSR-iniń quramyna engen jerlerde 4,3 mln adam turǵan, olardyń 3,5 mln qazaq bolǵan.

Halyq sanynyń jyldar boıynsha dınamıkasy tómendegideı:

•1913 j. — 5,5 mln
•1920 j. — 5,4 mln
•1922 j. — 5,3 mln
•1939 j. — 6 mln
•1959 j. — 9,2 mln
•1970 j. — 13 mln
•1979 j. — 14,6 mln
•1984 j. — 15,6 mln

— Táýelsizdik alǵannan keıin, 1991 jyly Qazaqstan halqynyń sany 16,4 mln adam boldy. Alaıda kóshi-qon úderisterine baılanysty 2000 jyly bul kórsetkish 14,9 mln deıin azaıdy. 2010 jyly halyq sany qaıtadan 16 mln mejesinen asyp, 16,2 mln adam boldy.

2023 jylǵy qarashada elimizdegi halyq sany alǵash ret 20 mıllıonnan asty. Al 2025 jylǵy 1 maýsymdaǵy sońǵy derekterge sáıkes, Qazaqstan halqynyń sany — 20,3 mln adam, — delingen habarlamada.

Elimizdiń jeti óńirinde halyq sany 1 mln adamnan asatyny týraly jazǵan edik.