Elimizdegi halyq eń kóp qonystanǵan Túrkistan oblysynyń statıstıkalyq derekteri
TÚRKІSTAN. KAZINFORM - Túrkistan oblysy – el Táýelsizdigin alǵan jyldary qurylǵan jańa oblystyń biri. Qazaqstannyń Ońtústiginde ornalasqan. 2018 jyly ákimshilik ortalyǵy Shymkentten Túrkistanǵa aýystyryldy. Shymkent respýblıkalyq mańyzy bar qala mártebesin alyp, Ońtústik Qazaqstan oblysynyń quramynan alyndy. Al, jańa oblysqa Túrkistan ataýy berildi. Búginde turǵyndar sany 2 mln asady. Soltústiginde Ulytaý, shyǵysynda Jambyl, batysynda Qyzylorda oblystarymen, ońtústiginde Ózbekstan Respýblıkasymen shektesedi. Oblys quramynda 14 ákimshilik aýdan, 4 qalalyq ákimdik, 7 qala, 13 kent, 171 aýyldyq okrýg, 932 aýyl bar.
Halyq sany jáne kóshi-qony
2024 jylǵy 1 tamyzdaǵy derek boıynsha, oblys halqynyń sany - 2151,9 myń, sonyń ishinde qalalyqtar – 538,2 myń (25%), aýyldyqtar – 1613,7 myń (75%).
Halyqtyń tabıǵı ósimi 2024 jylǵy qańtar-shildede 25 377 adamǵa ulǵaıdy. Osy merzim aralyǵynda 31 302 sábı dúnıege kelse, 5 925 adam qaıtys boldy.
Teris kóshi-qonnyń aıyrmasy qalyptasty – 15 625 adam, onyń ishinde syrtqy kóshi-qonda – 304 adam oń kóshi-qon aıyrmasy, ishki kóshi-qonda teris kóshi-qonnyń aıyrmasy – 15 929 boldy.
Eńbek jáne tabys
2024 jylǵy ІI toqsanda óńirde jumyssyzdar sany 40,7 myń adam boldy. Jumyssyzdyq deńgeıi jumys kúshine qaraǵanda - 4,8 paıyz.
2024 jylǵy 1 qyrkúıekke jumyspen qamtý organdarynda jumyssyzdar retinde tirkelgender sany 34 847 adamǵa jetti nemese jumys kúshiniń sanyna 4,1 paıyz bolyp qalyptasty. IІ toqsanda qyzmetkerlerge eseptelgen (kásipkerlik qyzmetpen aınalysatyn, shaǵyn kásiporyndarsyz) ortasha aılyq ataýly jalaqy 324 470 teńge boldy, ósim - 2023 jylǵy ІI toqsanǵa qaraǵanda 8,5 paıyz. Al, naqty jalaqy ındeksi 101,7% bolyp qalyptasty.
2024 jylǵy I toqsanda oblys halqynyń ortasha jan basyna shaqqandaǵy ataýly aqshalaı tabysy baǵalaý boıynsha - 109 628 teńge. 2023 jylǵy I toqsanǵa qaraǵanda 18,4% joǵary, atalǵan kezeńge naqty aqshalaı tabystyń ósý qarqyny – 8,8 paıyz boldy.
Salalyq statıstıka
2024 jylǵy qańtar-tamyz aılarynda ónerkásip óndirisiniń kólemi qoldanystaǵy baǵamen 749351,5 mln teńge boldy, bul - 2023 jylǵy qańtar-tamyzben salystyrǵanda 7 paıyzǵa kóp.
Taý-ken óndirý ónerkásibinde óndiris kólemi 3,1 paıyz, óńdeý ónerkásibinde – 11,4 paıyz boldy, elektr energııasymen, gazben, býmen, ystyq sýmen jáne kondıtsıonerlengen aýamen jabdyqtaýda – 15,2 paıyzǵa ósti. Sýmen jabdyqtaýda, qaldyqtardy jınaýda, óńdeýde jáne joıýda, lastanýdy joıý jónindegi qyzmette 10,6 paıyzǵa kemidi.
2024 jylǵy qańtar-tamyzda aýyl sharýashylyǵy ónimderiniń (qyzmetteriniń) jalpy shyǵarylymy 438558,8 mln teńge nemese 2023 jylǵy qańtar-tamyzben salystyrǵanda 106,8 paıyz boldy.
2024 jylǵy qańtar-tamyzda júk aınalymynyń kólemi 15901,7 mln m3 jetti nemese 2023 jyldyń qańtar-tamyzymen salystyrǵanda 95,9 paıyz boldy.
Jolaýshy aınalymy 903,8 mln jolaýshy-km nemese 2023 jyldyń qańtar-tamyzymen salystyrǵanda 81,6 paıyz boldy.
Qurylys jumystarynyń (qyzmetteriniń) kólemi - 245127,9 mln teńge nemese 2023 jylǵy qańtar-tamyzben salystyrǵanda 128,6 paıyz.
2024 jylǵy qańtar-tamyzda paıdalanýǵa berilgen turǵyn úılerdiń jalpy alańy 11,2% ósip, 584,5 myń sharshy metr boldy. Olardan jeke turǵyn úıler – 18,4 paıyz (478,3 myń sharshy metr), al kóppáterli turǵyn úıler 15 paıyzǵa kemidi (103,1 myń sharshy metr). Budan bólek, jalpy alańy 3,1 myń sharshy metr jataqhana paıdalanýǵa berildi.
2024 jylǵy qańtar-tamyzda negizgi kapıtalǵa salynǵan ınvestıtsııalar kólemi 596248 mln teńge nemese 2023 jyldyń qańtar-tamyzymen salystyrǵanda 125,6 paıyz boldy.
Tirkelgen zańdy tulǵalar sany - 2024 jylǵy 1 qyrkúıektegi jaǵdaı boıynsha 18 542, ótken jylǵy sáıkes kezeńdegimen salystyrǵanda 5 paıyzǵa ósti. Onyń ishinde 250 adamnan joǵary qyzmetkerleri barlar - 106. Jumys istep turǵan zańdy tulǵalar sany – 16 785. Onyń ishinde shaǵyn kásiporyndar sany – 16 146. Oblysta tirkelgen shaǵyn jáne orta kásipkerlik kásiporyndar (zańdy tulǵalar) sany – 14 716, ótken jylǵy sáıkes kezeńmen salystyrǵanda 5,4 paıyzǵa ósti.
Ekonomıka
2024 jylǵy qańtar-naýryzdaǵy jalpy óńirlik ónim kólemi qoldanystaǵy baǵamen 927563,6 mln teńge boldy. 2023 jylǵy qańtar-naýryzben salystyrǵanda naqty JÓÓ 3,7 paıyzǵa ósti. JÓÓ qurylymynda taýarlardy óndirý úlesi - 34,7 paıyz, qyzmetter kórsetý – 58,7 paıyz.
Tutyný baǵa ındeksi 2024 jyldyń tamyzynda 2023 jylǵy jeltoqsanmen salystyrǵanda 104,2 paıyz boldy.
Azyq-túlik taýarlarynyń baǵasy 0,1 paıyz, azyq-túlik emes taýarlardyń baǵasy – 9,4 paıyz, halyqqa kórsetiletin aqyly qyzmetterdiń úlesi – 6,2 paıyzǵa ósti.
2023 jyldyń jeltoqsanymen salystyrǵanda 2024 jyldyń tamyzynda óndirýshi kásiporyndardyń ónerkásip ónimderiniń baǵalary 1,6 paıyzǵa qymbattady.
2024 jylǵy qańtar-tamyzda bólshek saýda kólemi 205 758 mln teńge boldy nemese 2023 jyldyń sáıkes kezeńimen salystyrǵanda 6,1 paıyzǵa artty.
2024 jylǵy qańtar-tamyzda kóterme saýda kólemi 101244,3 mln teńge nemese 2023 jyldyń sáıkes kezeńimen salystyrǵanda 127,3 paıyz boldy.
Aldyn ala derekter boıynsha 2024 jylǵy qańtar-shildede EAEO elderimen ózara saýda 599,5 mln AQSh dollary kóleminde bolyp, 2023 jylǵy qańtar-shildemen salystyrǵanda 53,2 paıyzǵa kóbeıdi, onyń ishinde eksport – 495,8 mln AQSh dollary (55% kóbeıdi), ımport – 103,7 mln AQSh dollary (45,2% kóbeıdi).
