Elimizdegi eń úzdik feldsher anyqtaldy
Medıtsına qyzmetkerleriniń arasynda 2023 jylǵy respýblıkalyq konkýrs nátıjeleri boıynsha jedel medıtsınalyq kómektiń úzdik feldsheri bolyp Qanat Mahanbetqululy Shákirov tanyldy, dep jazady Kazinform.
Temirtaý medıtsınalyq kolledjin "Emdeý isi" mamandyǵy boıynsha bitirgennen keıin bizdiń jeńimpaz eńbek jolyn Shymkent qalalyq jedel járdem stantsııasynyń jelilik brıgadasynyń feldsheri bolyp bastady.
Ol 15 jyldan beri naýqastardyń shaqyrtýlaryna barady, árkimge jaǵdaıyn turaqtandyrýǵa kómektesýge tyrysady jáne ómirin saqtap qalǵan naýqastardan óz atyna kóptegen alǵys estıdi.
Osy jyldardyń ishinde shuǵyl qyzmette Qanat Mahanbetqululy barlyq ýchaskelerde - feldsherlik, jelilik, pedıatrııalyq brıgadalarda jáne ambýlatorııalyq feldsher bolyp jumys istedi. Onyń jumysynyń sońǵy bes jyly qarqyndy emdeý túrinde, ıaǵnı aýyr nemese ómirge qaýip tóndiretin naýqastarǵa medıtsınalyq alǵashqy kómek kórsetýmen baılanysty.
Feldsher Shákirov óz isin jaqsy kóredi, jas kadrlarǵa shuǵyl kómek kórsetý daǵdylaryn úıretedi jáne jedel járdemniń óte qıyn jumys kúnderine, úlken emotsıonaldyq jáne fızıkalyq kúsh-jigerge qaramastan, ol óziniń basqa ómirin, tótenshe jaǵdaıdan tys ýaqytta elestetpeıdi.
