Elimizdegi eń tanymal TOP-10 sport túri

ASTANA. KAZINFORM – Týrızm jáne sport mınıstrligi 2024 jyldyń qorytyndysy boıynsha elimizdegi eń tanymal sport túrleri týraly derekterdi usyndy. Statıstıkada buqaralyq jáne ózge de sport túrleri qamtylǵan. 

Derekterge sáıkes, elimizde eń kóp qatysýshysy bar úıirme – fýtbol. Atalǵan sport túrimen 1 113 299 adam aınalysady. Aıta keterligi, olardyń jartysynan kóbi aýyldyq jerde turady. Bul – fýtboldyń el aýmaǵynda keń taraǵan ári qoljetimdi sport túri ekenin dáleldeıdi.

Keıingi oryndarǵa myna sport túrleri jaıǵasqan:

Klassıkalyq voleıbol – 767 580 adam (onyń ishinde aýyldyq jerde – 421 035)
Basketbol – 541 819 (aýyldyq jerde – 238 853)
Fýtzal – 368 349 (aýyldyq jerde – 130 744)
Jeńil atletıka – 347 654 (aýyldyq jerde – 174 261)
Shahmat – 278 101 (aýyldyq jerde – 128 243)
Ústel tennısi – 262 835 (aýyldyq jerde – 127 416)
Doıby – 213 490 (aýyldyq jerde – 115 198)
Toǵyzqumalaq – 202 217 (aýyldyq jerde – 119 302)
Qazaq kúresi – 160 399 (aýyldyq jerde – 87 030)

Bul kórsetkishter el azamattarynyń dástúrli jáne zamanaýı sport túrlerine degen qyzyǵýshylyǵynyń joǵary ekenin, sondaı-aq halyqtyń salamatty ómir saltyn ustanýǵa degen umtylysy artyp kele jatqanyn kórsetedi. Mınıstrlik buqaralyq sportty damytý jáne óńirlerde qoljetimdi sport ınfraqurylymyn qalyptastyrý baǵytyndaǵy baǵdarlamalardy júzege asyrýdy odan ári jalǵastyrady. 

Aıta ketelik Grekııadaǵy halyqaralyq týrnırde sýǵa júzýden Qazaqstan quramasy 8 medal alǵan edi.