Elimizdegi derekterdi óńdeý ortalyqtaryn damytýǵa 10 mlrd dollar ınvestıtsııa tartylady
ASTANA.KAZINFORM — QR Parlamenti Palatalarynyń birlesken otyrysynda Premer-mınıstr Oljas Bektenov derekterdi óńdeý ortalyqtaryn damytý jóninde málimdeme jasady.
— «Derekterdi óńdeý ortalyqtary alqaby» atty joba iske asyrylyp jatyr. Biz bul jobaǵa úlken úmit artamyz. Qazir derekterdi óńdeý naryǵy jyldam ósip bara jatyr. Biz de osy naryqtyń bir bóligin ózimizge tartyp alǵymyz keledi. Sondyqtan biz osy jobany qolǵa aldyq. Qyzyǵýshylyq óte joǵary. Kóptegen elden kompanııalar kelip, kelissózder júrgizip jatyrmyz. Daıyn turǵan kelisimsharttar da bar. Jaqynda amerıkalyq Firebird kompanııasymen kelisishartqa qol qoıdyq. Onyń basty seriktesi — búkil álemge tanymal NVIDIA kompanııasy. Bul kompanııalardy biz senimdi seriktes dep esepteımiz. Jalpy, tek qana Firebird kompanııasynan 10 mlrd dollarǵa jýyq ınvestıtsııa tartylady, — dedi ol QR Úkimetiniń jáne QR Joǵary aýdıtorlyq palatasynyń 2025 jylǵy respýblıkalyq bıýdjettiń atqarylýy týraly esepterin bekitý jónindegi otyrysta.
Aıta keteıik, buǵan deıin Ekibastuzda «Derekterdi óńdeý ortalyqtary alqaby» qurylysy boıynsha jumystar bastalǵanyn jazǵanbyz.
