Elimizdegi birneshe óńirde ekinshi aýysym oqýshylary onlaın sabaqqa kóshedi
ASTANA. KAZINFORM — Qazaqstannyń birqatar aımaqtarynda aýa raıynyń qolaısyzdyǵyna baılanysty ekinshi aýysym oqýshylary qashyqtan oqıdy.
Kókshetaý qalasynda 1–9 synyp oqýshylary ekinshi aýysymda onlaın sabaqqa kóshti. Qaraǵandy qalasynda da ekinshi aýysym oqýshylary qashyqtan oqıdy.
Pavlodar oblysynda ekinshi aýysymnyń 0–9 synyp oqýshylary Aqsý, Ekibastuz, Aqtoǵaı, Baıanaýyl, Aqkól, Maı, Pavlodar, Ýspen, Tereńkól, Sharbaqty, Ertis jáne Jelezın aýdandarynda qashyqtyqtan bilim alady. Pavlodar qalasynda onlaın sabaqtar ekinshi aýysymnyń 5–8 synyptary úshin uıymdastyryldy. Sonymen qatar aýa raıynyń qolaısyzdyǵyna baılanysty barlyq mektepterde oqýshylardy tasymaldaý qyzmeti toqtatyldy.
Esterińizge sala keteıik, 11 naýryzda birinshi aýysymdaǵy 0–11 synyp oqýshylary men 1–2 kýrs stýdentteri onlaın sabaq ótkizdi. Úkimet bul sharalardy aýa raıynyń qolaısyzdyǵy kezinde balalardyń qaýipsizdigin qamtamasyz etý maqsatynda qabyldaǵanyn habarlady.
Buǵan deıin 11 naýryzda Astanadaǵy kolledjderdiń birinshi jáne ekinshi kýrs stýdentteri men ekinshi aýysym oqýshylary onlaın sabaqqa kóshetini habarlanǵan.
