Elimizdegi bilim mekemeleri bıylǵy birinshi toqsanda 8,2 mlrd teńgege onlaın qyzmet kórsetken
ASTANA. KAZINFORM - 2026 jylǵy I toqsanda Qazaqstan Respýblıkasy bilim berý uıymdarynyń negizgi qyzmet túri boıynsha kórsetken qyzmetteriniń kólemi 1 606 626,7 mln teńgeni qurady, dep habarlaıdy QR SJRA Ulttyq statıstıka bıýrosynyń telegramdaǵy resmı arnasy.
Onyń ishinde 82,2% bıýdjet qarajaty esebinen, 16,1% halyq qarajaty esebinen jáne 1,7% kásiporyndar qarajaty esebinen qarjylandyryldy.
Qyzmetterdiń eń úlken kólemi kelesi salalarǵa tıesili:
• negizgi jáne jalpy orta bilim berý - 899 558,6 mln teńge (jalpy kólemniń 56,0%);
• mektepke deıingi tárbıe men oqytý - 244 317,5 mln teńge (15,2%);
• joǵary jáne joǵary oqý ornynan keıingi bilim berý - 178 714,7 mln teńge (11,1%).
Qyzmetterdiń eń tómen kólemi myna baǵyttarda kórsetildi:
• bilim berý salasyndaǵy qosalqy qyzmetter - 17 848,6 mln teńge;
• kólik quraldary júrgizýshilerin daıarlaý uıymdary - 1 245,4 mln teńge;
• orta bilimnen keıingi bilim berý uıymdary - 67,7 mln teńge.
2026 jylǵy I toqsannyń qorytyndysy boıynsha kórsetilgen qyzmetterdiń 74,6% memlekettik menshik nysanyndaǵy uıymdarǵa, 24,7% jekemenshik uıymdarǵa jáne 0,8% sheteldik uıymdarǵa tıesili.
Kásiporyndardyń mólsheri boıynsha kórsetilgen qyzmet kólemi:
• shaǵyn kásiporyndar - 769 052,5 mln teńge (47,9%);
• orta kásiporyndar - 595 313,9 mln teńge (37,1%);
• iri kásiporyndar - 242 260,2 mln teńge (15,1%).
Bilim berý uıymdarynyń ınternet jelisi arqyly kórsetken qyzmetteriniń kólemi 8 361,2 mln teńgeni qurady.
Osyǵan deıin habarlaǵanymyzdaı, bilim granttarynyń sany bes jylda 40 paıyzdan astam ósti.
