Elimizdegi barlyq jedel járdem qyzmetkerleri beınetirkegishpen qamtamasyz etiledi

ASTANA. KAZINFORM — Almaty men Astananyń jedel járdem qyzmetkerlerin beınetirkegishpen qamtamasyz etkennen keıin keleńsiz oqıǵalar 90 paıyzǵa azaıdy. Bul týraly Densaýlyq saqtaý birinshi vıtse-mınıstri Tımýr Sultanǵazıev aıtty.

— Túrli oqıǵalardyń aldyn alý úshin Іshki ister mınıstrligimen birge jospar jasadyq. Sol jospardyń aıasynda qabyldaý bólmelerinde 150-ge jýyq polıtsııa beketin ashtyq. Sonymen qatar staıtsonarlarda kameralar ornatyp jatyrmyz. Kameralar polıtsııanyń Jedel basqarý ortalyǵyna qosylǵan. Munan bólek, 600 medıtsına uıymnyń árbir qabyldaý bólmesine dabyl núktelerin ornatqan edik. Sonyń arqasynda qajetti jedel aldyn alý sharalaryn qolǵa alý kózdelgen, — dedi vıtse-mınıstr Májilistiń jalpy otyrysynda depýtattardyń saýalyna oraı.

Onyń aıtýynsha, bıyl Almaty men Astana qalalarynda jedel járdem qyzmetkerleri beınetirkegishpen qamtamasyz etildi. 

— Nátıjesinde túrli keleńsiz oqıǵalardyń 90 paıyzǵa kemigenin kórip otyrmyz. Atalǵan tájirıbeni Qazaqtelekommen birge keńeıtip, elimizdegi barlyq jedel járdem qyzmetkerlerin beınetirkegishpen qamtamasyz etý oıymyzda bar, — dedi Tımýr Sultanǵazıev. 

Aıta keteıik, Májilis otyrysynda dárigerler men jedel járdem qyzmetkerlerin qorǵaýǵa arnalǵan zań jobasy talqylanyp jatyr.