Elimizdegi barlyq asfaltbeton zaýytyn attestattaýdan ótkizip jatyr

ASTANA. KAZINFORM — Kólik mınıstrliginiń tapsyrmasy boıynsha «Jol aktıvteri sapasynyń ulttyq ortalyǵy» RMK elimizdegi barlyq asfaltbeton zaýyttaryn attestattaýdan ótkizip jatyr. 

Qazir respýblıkada tirkelgen 414 ABZ-niń 332-si (80%) ınspektsııadan ótti.

Atap aıtqanda, JASUO ınspektorlary Astana jáne Shymkent qalalarynda, Jetisý, Almaty, Qostanaı, Atyraý, Pavlodar oblystaryndaǵy zaýyttardy zerttedi.

— Asfaltbeton zaýyttary men zerthanalardyń jaraqtandyrylýy qoldanystaǵy normatıvtik qujattardyń talaptaryna sáıkestigi, sapa qyzmetine sáıkes shtat quramynyń bolýy, materıaldardyń, konstrýktsııalar men buıymdardyń kiris baqylaýynyń, onyń ishinde jol-qurylys materıaldaryn saqtaý jáne tasymaldaý qaǵıdalarynyń saqtalýy, sapany baqylaýdy qamtamasyz etý jónindegi tehnologııalyq reglamentterdi tekserildi, — delingen Kólik mınıstrligi habarlamasynda.

Attestattaý jumystary odan ári jalǵasady. Onyń maqsaty-jol materıaldarynyń joǵary sapasyn qamtamasyz etý, óndirýshilerdiń jaýapkershiligin arttyrý jáne sol arqyly Qazaqstandaǵy avtomobıl joldarynyń jaı-kúıi men uzaq merzimge shydamdylyǵyn jaqsartýǵa yqpal etý. Qazir, jolshylar kúsheıtilgen rejımde jumys istep júr. Aıdyń sońyna deıin qalǵan 82 ABZ-ǵa baǵalaý jasaıdy.