Elimizdegi aýqatty jandardyń sany belgili boldy
ASTANA. KAZINFORM — Elimizde 522 myń adam aýqattylar sananatyna jatady. Bul týraly Quryltaı otyrysynan keıingi baspasóz máslıhatynda Premer-mınıstrdiń orynbasary — Ulttyq ekonomıka mınıstri Serik Jumanǵarın aıtty.
— Qatelespesem, 522 myń adam bar. Onyń 70 myńnan astamy «A» sanatyna, qalǵany «V» sanatyna jatady. Qazir osy sanattarǵa taldaý júrgizilip jatyr. Ár adamǵa tıisti habarlama jiberiledi. Bul baǵyttaǵy jumys jalǵasyp jatyr. Qatelikke jol berilmeýi kerek. Biz memlekettiń múddesinen góri azamattardyń múddesine qaraı qateleskendi jón kóremiz, — dedi Serik Jumanǵarın.
Aıta keteıik, otbasylar ál-aýqat deńgeıine qaraı bes sanatqa bólinedi:
· A — ál-aýqaty joǵary;
· V — aýqatty;
· S — ál-aýqaty qanaǵattanarlyq;
· D — ekonomıkalyq turǵydan osal;
· E — ekonomıkalyq jáne áleýmettik turǵydan osal.
Otbasynyń qaı sanatqa jatatyny bir ǵana kórsetkishke qarap anyqtalmaıdy. Baǵalaý segiz negizgi baǵyt boıynsha 59 kórsetkishti qamtıdy.
Atap aıtqanda:
· otbasynyń qarjylyq jaǵdaıy;
· múlki men basqa da aktıvteri;
· turǵyn úı jaǵdaıy;
· jeńil jáne kommertsııalyq kóliginiń bolýy;
· jer telimi men jeke qosalqy sharýashylyǵy;
· otbasy músheleriniń jumyspen qamtylýy;
· nesıeleri men merzimi ótken beresheginiń bolýy;
· kásipkerlikpen aınalysýy jáne basqa da kórsetkishter.
Aıta ketelik Forbes Qazaqstannyń 2026 jylǵy eń yqpaldy 50 kásipkerin ataǵan edi.
