Elimizdegi áýejaılar men vokzaldarda qaýipsizdik jaǵdaıy tekserilip jatyr - ІІM

ASTANA. KAZINFORM — QR Іshki ister mınıstriniń orynbasary Sanjar Ádilov Almaty áýejaıynda 7 naýryzda bolǵan oqıǵaǵa qatysty pikir bildirdi.

ҚР ІІМ
Фото: ҚР ІІМ баспасөз қызметі

Sol kezde Almaty áýejaıynda jolaýshy qyzmetkerdiń shashynan tartyp, kópshilik aldynda pyshaq kezengen edi.

S. Ádilovtyń aıtýynsha, áýejaı – adam kóp bolatyn strategııalyq nysan. Bul turǵyda polıtsııa algorıtm boıynsha jumys istedi.

- Qazirgi kezde aýqymdy tekserý júrip jatyr. Qylmystyq isti tergeý jáne qyzmettik tekserý nátıjeleri boıynsha áýejaıdyń barlyq qyzmetterine, sonyń ishinde avıatsııalyq qaýipsizdik qyzmetine quqyqtyq baǵa berilip, tártiptik jáne basqa da zańdy jaýapkershilikke tartylady, - dedi mınıstrdiń orynbasary.

Bul rette ol qazir atalǵan oqıǵa boıynsha úsh qylmystyq is tirkelgenin eske saldy.

Tergeý amaldary jalǵasyp jatyr. Kúdikti adam qamaýda otyr.

- Atap aıtqanda, Іshki ister mınıstri Erjan Sadenovtyń tapsyrmasymen eldegi áýejaılar men vokzaldardaǵy qaýipsizdik júıesi tekserilip jatyr. Sonymen qatar, bul baǵytta normatıvtik-quqyqtyq salada túzetýlerdi qabyldaý kerek dep sanaımyz. Osy rette ótkir zattardy anyqtaıtyn jabdyqtardy nysannyń kireberisine ornalastyrý eskerilgen, - dedi S. Ádilov.

Aıta keteıik, Almaty áýejaıynda jolaýshy qyzmetkerdiń shashynan tartyp, kópshilik aldynda pyshaq kezengen edi.

Almaty halyqaralyq áýejaıynda kepilge alynǵan qyzmetkerdi erlikpen qutqaryp qalǵan Musa Ábdiraıym Búkilálemdik boks keńesiniń (WBC) beıbitshilik elshisi bolyp taǵaıyndaldy.

Сейчас читают