Elimizdegi atom elektr stantsııalary tolyqqandy jumys isteýi úshin qansha maman qajet
ASTANA. KAZINFORM – QR Energetıka mınıstrligi Qazaqstandaǵy atom elektr stantsııalarynyń tolyqqandy jumys isteýi úshin qansha maman qajet ekenin, sondaı-aq elektr stantsııasynyń qyzmetkerlerin oqytý boıynsha júrgizilip jatqan jumystardy aıtyp berdi.
Energetıka mınıstrliginiń málimetinshe, atom elektr stantsııasyn paıdalaný kezinde orta eseppen 2 myńǵa jýyq joǵary jáne orta arnaýly bilimi bar kadrlar qajet.
«Atomdyq mamandyqtar boıynsha bilimi bar zaýyt qyzmetkerleri AES jalpy personalynyń shamamen 20 paıyzyn quraıdy», - dedi Energetıka mınıstrligi agenttik tilshimsiniń saýalyna bergen jaýabynda.
Vedomstvodaǵylar aldaǵy ýaqytta atom energetıkasyn damytýdyń memlekettik baǵdarlamasy aıasynda kadrlardy daıarlaýdyń arnaıy josparyn jeke ázirlep, iske qosatyndaryn atap ótti.
Qazir Qazaqstanda «Fızıka», «Taý-ken isi jáne taý-ken isi», «ıAdrolyq fızıka jáne ıadrolyq energetıka», «Atom ónerkásibiniń materıaldary men materıaldyq tehnologııalary» jáne «Ýran ónimderin óndirýdiń ınnovatsııalyq ádisteri» mamandyqtary boıynsha kadrlar daıarlaý júzege asyrylady. 2023-2024 oqý jylyna memlekettik bilim berý tapsyrysy sheńberinde bilim berý baǵdarlamalarynyń joǵaryda atalǵan toptary boıynsha 3 664 grant bólingen (onyń 3 258-i bakalavrıat, 330-y magıstratýra, 76-sy doktorantýra).
Qazaqstandyq joǵary oqý oryndarynda atom jáne atom ónerkásibi mamandaryn daıarlaý 18 bilim berý baǵdarlamasy men qos dıplomdyq baǵdarlamalar negizinde júzege asyrylatynyn atap ótken jón.
Stýdentter óndiristik tájirıbeden «Úlbi metallýrgııalyq zaýyty» AQ (Óskemen q.), ıAdrolyq fızıka ınstıtýty RMK (Almaty q.), QR Ulttyq ıadrolyq ortalyǵy RMK (Kýrchatov q.) ótedi.
