Elimizdegi apta ishindegi kadrlyq taǵaıyndaýlar

ASTANA. KAZINFORM — Osy apta ishinde elimizdiń ortalyq jáne jergilikti atqaýshy organdarynda birqatar kadrlyq aýys-túıis oryn aldy.

Atap aıtqanda, Úkimet qaýlysymen Rýstam Álı Mádenıet jáne aqparat vıtse-mınıstri qyzmetine taǵaıyndaldy. 

Rýstam Álı 1984 jyly Almaty oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, І.Jansúgirov atyndaǵy Jetisý memlekettik ýnıversıtetin bitirgen.

Eńbek jolyn 2006 jyly «Delovaıa nedelıa» gazetinde tilshi bolyp bastaǵan. 2006–2011 jyldary — «Delovaıa nedelıa» gazetinde tilshi, redaktor, bas redaktordyń orynbasary. 2011–2012 jyldary — «Jetisý jastary» jastar ortalyǵy» MKQK dırektory. 2012 jyly — Almaty oblysy jastar saıasaty ortalyǵynyń dırektory. 2012 jyly — Almaty oblysy Qaınarly aýyldyq okrýginiń ákimi. 2012–2016 jyldary — Almaty oblysy jastar saıasaty máseleleri basqarmasynyń bastyǵy, basshysy. 2016–2020 jyldary Almaty oblysy ishki saıasat basqarmasynyń basshysy. 2020–2021 jyldary — Almaty oblysy ákiminiń orynbasary. 2021–2022 jyldary — Almaty oblysy Eskeldi aýdanynyń ákimi. 2022–2023 jyldary — Jetisý oblysy ákiminiń orynbasary. 2024 jyldan Mádenıet jáne aqparat mınıstrligi Arhıv, qujattama jáne kitap isi komıtetiniń tóraǵasy boldy.

Joǵarǵy Sot tóraǵasy Aslambek Merǵalıev elorda sýdıalaryna Astana qalalyq sotynyń jańa tóraǵasy Aıdar Smaǵulovty tanystyrdy. Bul qyzmetke taǵaıyndalǵanǵa deıin ol Aqtóbe oblystyq sotynyń tóraǵasy qyzmetin atqarǵan. 

Aıdar Smaǵulov 1973 jyly Soltústik Qazaqstan oblysy, Blagoveşenka aýylynda dúnıege kelgen. 2001 jyly Qazaq memlekettik zań akademııasyn támamdaǵan.

2001-2004 jyldary Soltústik Qazaqstan oblysy sottary ákimshiliginiń qurylymdyq bólimshelerinde qyzmet atqarǵan. 2004-2010 jyldary — Petropavl qalalyq sotynyń, Petropavl qalasynyń № 2 sotynyń sýdıasy; 2010-2014 jyldary — Soltústik Qazaqstan oblysy M.Jumabaev aýdandyq sotynyń tóraǵasy; 2014-2017 jyldary — Soltústik Qazaqstan oblystyq sotynyń sýdıasy; 2017-2023 jyldary — Soltústik Qazaqstan oblystyq sotynyń azamattyq ister jónindegi sot alqasynyń tóraǵasy; 2023 jyldan 2026 jylǵy 4 naýryzǵa deıin Aqtóbe oblystyq sotynyń tóraǵasy bolǵan.

Qarjy mınıstrligi apparat basshysynyń buıryǵymen Murat Ádilhanov Memlekettik qazynashylyq komıteti tóraǵasynyń orynbasary laýazymyna taǵaıyndaldy. 

Murat Buharbaıuly Qazaq memlekettik zań ınstıtýtyn «zańger» mamandyǵy boıynsha jáne Qarjy akademııasyn «qarjyger» mamandyǵy boıynsha bitirgen. Eńbek jolyn Túrkistan oblysy Shardara aýdany ákiminiń apparatynda zańger qyzmetinen bastaǵan.

Qarjy mınıstrliginiń qurylymynda ár jyldary bas maman, bólim jáne basqarma bastyǵy qyzmetterin atqarǵan. Sondaı-aq Dármensiz boryshkerlermen jumys jónindegi komıtet tóraǵasynyń orynbasary, Іshki baqylaý, Zań qyzmeti, Memlekettik satyp alý jáne kvazımemlekettik sektordyń satyp alý zańnamasy departamentteriniń dırektory bolǵan.
Taǵaıyndalǵanǵa deıin QR Qarjy mınıstrliginiń Іshki satyp alý jáne aktıvter departamentiniń dırektory qyzmetin atqardy.

Ádilet mınıstrliginiń apparat basshysy Sandýǵash Erseıitovanyń buıryǵymen Ernar Aqseleýuly Seıdimbek Almaty qalasy Ádilet departamenti basshysy laýazymyna taǵaıyndaldy.

Ol 1970 jylǵy 2 qańtarda Qaraǵandy qalasynda dúnıege kelgen. Ál-Farabı atyndaǵy Qaz MNÝ-dy «Quqyqtaný» mamandyǵy boıynsha támamdaǵan. Ádilet mınıstrligi Kadr jumysy basqarmasynyń bas mamany, basqarma bastyǵynyń mindetin atqarýshy, basqarma bastyǵynyń orynbasary, Soltústik Qazaqstan oblysy Ádilet basqarmasy bastyǵynyń orynbasary, bastyǵy, Soltústik Qazaqstan oblysy Ádilet departamentiniń bastyǵy bolǵan. Shyǵys Qazaqstan, Soltústik Qazaqstan, Pavlodar, Aqmola, Abaı oblystarynyń, Almaty qalasynyń Ádilet departamentiniń bastyǵy qyzmetin atqarǵan. 

Serik Tilemesov Abaı oblysy Qurylys basqarmasynyń basshysy bolyp taǵaıyndaldy. 

Serik Tilemesov 1991 jyly 13 aqpanda Semeı oblysy Úrjar aýdany Úrjar aýylynda dúnıege kelgen. 2012 jyly D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin «Qurylys» mamandyǵy boıynsha aıaqtaǵan. Eńbek jolyn 2014 jyly Úrjar aýdanynyń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń jetekshi mamany qyzmetinen bastaǵan.

Ár jyldary Úrjar aýdanynyń sáýlet, qurylys, turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń bas mamany, sektor meńgerýshisi, bólim basshysy, Shyǵys Qazaqstan oblysy Zaısan aýdanynyń turǵyn-úı kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy, aýdan ákiminiń orynbasary, Úrjar aýdany ákiminiń kómekshisi bolyp eńbek etti. Osy taǵaıyndaýǵa deıin Abaı oblysy Úrjar aýdany ákiminiń orynbasary bolǵan.

Respýblıkalyq medıtsınalyq-sanıtarlyq alǵashqy kómek ortalyǵynyń jańa basshysy bolyp Oljas Ysqaqov taǵaıyndaldy. 

Oljas Ermekuly 1988 jyly Qyzylorda qalasynda dúnıege kelgen. Qyzylorda medıtsınalyq kolledji men S. Asfendııarov atyndaǵy Qazaq ulttyq medıtsına ýnıversıtetin bitirgen. 2012-2013 jyldary Ońtústik Qazaqstan memlekettik farmatsevtıka akademııasynda emdeý isi mamandyǵy boıynsha ınternatýradan ótken. Odan bólek, Qaztutyný odaǵy ekonomıkalyq ýnıversıtetin ekonomıka salasyndaǵy quqyqtyq retteý mamandyqtary boıynsha bitirgen. Densaýlyq saqtaý salasyndaǵy menedjment magıstri. 

Eńbek jolyn 2013-2014 jyldar aralyǵynda Qyzylorda qalalyq № 3 emhanasynyń aımaqtyq terapevt dárigeri bolyp bastaǵan. 2014-2016 jyldar aralyǵynda № 3 qalalyq emhanada bólim meńgerýshisi, 2016-2018 jyldary osy emhanada bas dárigerdiń emdeý isi jónindegi orynbasary, 2018 jyldyń aqpan aıy men qyrkúıek aıy aralyǵynda Qyzylorda oblystyq densaýlyq saqtaý basqarmasynyń medıtsınalyq kómekti uıymdastyrý bóliminiń basshysy, 2018-2021 jyl aralyǵynda Qyzylorda oblysynyń densaýlyq saqtaý basqarmasy basshysynyń emdeý, aldyn alý jumystary jónindegi, 2021-2023 jyldary Densaýlyq saqtaý mınıstrligi ana men bala densaýlyǵyn saqtaý departamentiniń basqarma basshysy, departament dırektorynyń orynbasary qyzmetterin atqarǵan. 2023 jyldan bastap búginge deıin Qyzylorda oblystyq densaýlyq saqtaý basqarmasynyń basshysy qyzmetinde boldy.

Tájirıbeli qazaqstandyq maman Vladımır Chebýrın «Atyraý» fýtbol klýbynyń bas bapkeri bolyp taǵaıyndaldy. 

Vladımır Chebýrın sporttaǵy jolyn Qaraǵandy qalasynda bastap, jergilikti «Shahter» klýbynda dop tepken. Bapker retinde Qaraǵandynyń «Shahter» klýbymen birge 2009 jyly Qazaqstan chempıonatynyń qola júldesine qol jetkizdi. Sonymen qatar el kýbogynyń fınalyna joldama aldy. Oǵan qosa «Okjetpes» klýbyn qaıtadan Qazaqstan Premer-lıgasyna alyp shyqty.

Otandasymyz halyqaralyq deńgeıde de aıtýly tabystarǵa jetip, Lıtvanyń «Sýdýva» klýbymen birge úsh ret el chempıony atandy. Sondaı-aq komanda Eýrokýboktarda sátti óner kórsetip, UEFA týrnırleriniń pleı-off kezeńine deıin jetti. Keıin Lıtvanyń «Jalgırıs» klýbymen birge úsh márte el chempıony jáne eki ret Lıtva kýbogynyń jeńimpazy atandy. Condaı-aq Vladımır Chebýrın Lıtvada úsh ret «Jyl bapkeri» ataǵyna ıe boldy.