Elimizde apta ishinde bolǵan kadrlyq taǵaıyndaýlar
ASTANA. KAZINFORM – Ótip bara jatqan apta ishinde elimizde birqatar kadrlyq aýys-túıis oryn aldy.
Atap aıtqanda, Belarýstik Vıtalıı Jýkovskıı «Qyzyljar» fýtbol klýbynyń jańa bas bapkeri atandy.
Óz mansabynda ol fýtbolshy retinde óz eliniń BATE fýtbol klýbymen Belarýs kýbogyn jeńip, chempıonattyń kúmis júldegeri atanǵan.
Bapkerlik qyzmetinde «Isloch» komandasyn Joǵary lıgaǵa shyǵaryp, el tarıhyndaǵy eń jas bas bapker atandy. Ony qazaqstandyq jankúıerler «Atyraýmen» birge Qazaqstan kýbogynyń fınalyna deıin jetkenin jaqsy biledi.
Qyzylorda oblysy «Qaısar» fýtbol klýbynyń basqarýshy dırektory bolyp Baqytjan Pazylhaıyr taǵaıyndaldy. Bul týraly klýbtyń baspasóz qyzmeti habarlady.
Baqytjan Pazylhaıyr Qyzylorda qalasynda dúnıege kelgen. Ár jyldary Astana jáne Almaty qalalarynyń ákimdikterinde, «Amanat» partııasynda, sondaı-aq «QazMunaıGaz» ulttyq kompanııasy» AQ-da túrli basshylyq qyzmet atqarǵan.
Buǵan deıin Qazaqstan fýtbol federatsııasynyń atqarýshy dırektory boldy.
Sondaı-aq Kásibı klýbtar arasyndaǵy jarystardy uıymdastyrý dırektsııasyn basqardy.
QR Prezıdenti Ákimshiliginiń kelisimimen jáne aýdandyq máslıhat depýtattarynyń qoldaýymen Qarqaraly aýdanynyń ákimi bolyp Saıat Mýsın taǵaıyndaldy, dep habarlaıdy Qaraǵandy oblysynyń ákimdigi.
Jańa ákimdi aýdan aktıvine oblys ákimi Ermaǵanbet Bólekpaev tanystyrdy. Óńir basshysy Saıat Mýsınniń kásibı biliktiligi men basqarýshylyq tájirıbesin atap ótip, aýdan basshysy retinde birqatar mindet júktedi.
Saıat Mýsın memlekettik qyzmette 2015 jyldan beri eńbek etip keledi.
Ol eńbek jolynda veterınarııa salasynda túrli laýazymdardy atqarǵan. Atap aıtqanda, AÓK memlekettik ınspektsııasynyń bas mamany – veterınar dárigeri, Abaı veterınarııalyq stantsııasy dırektorynyń mindetin atqarýshy, Qaraǵandy oblysy veterınarııa basqarmasy basshysynyń orynbasary qyzmetterinde boldy.
Sonymen qatar Memleket basshysynyń Jarlyǵymen Berik Noǵaıuly Asylov Qazaqstan Respýblıkasynyń Bas prokýrory laýazymyna taǵaıyndaldy.
Berik Asylov 1964 jyly dúnıege kelgen.
1991 jyly S. M. Kırov atyndaǵy Qazaq memlekettik ýnıversıtetin «Quqyqtaný» mamandyǵy boıynsha támamdaǵan.
Eńbek jolyn prokýratýra organdarynda bastaǵan. 1992-2001 jyldary Almaty qalasy Alataý aýdany prokýratýrasynyń aǵa tergeýshisi, QR Bas prokýratýrasy janyndaǵy asa mańyzdy ister jónindegi tergeýshi jáne aǵa tergeýshi, Almaty avıatsııalyq kólik prokýrorynyń orynbasary boldy.
Sondaı-aq Bas prokýratýranyń jedel-izdestirý qyzmetiniń zańdylyǵyn qadaǵalaý jónindegi bólimin basqardy.
2001-2006 jyldary Ońtústik Qazaqstan oblysy prokýratýrasynda basshylyq qyzmetter atqardy. Shymkent qalasynyń prokýrory, Ońtústik Qazaqstan oblysy prokýrorynyń orynbasary jáne birinshi orynbasary boldy.
2006 jyldan bastap Batys óńirlik kólik prokýrory, Aqtóbe oblysynyń prokýrory qyzmetterin atqardy.
2010 jylǵy 28 shildede QR Bas Prokýrorynyń orynbasary bolyp taǵaıyndaldy.
2011-2017 jyldary Almaty qalasynyń prokýrory, 2017-2019 jyldary Soltústik Qazaqstan oblysynyń prokýrory boldy.
2019-2022 jyldary Qazaqstan Respýblıkasy Bas Prokýrorynyń birinshi orynbasary qyzmetin atqardy.
2022 jylǵy 3 naýryzdan bastap Qazaqstan Respýblıkasynyń Bas prokýrory qyzmetinde boldy.
QR Prezıdenti Qasym-Jomart Toqaevtyń Jarlyǵymen 2024 jylǵy 6 mamyrda oǵan 1-synypty memlekettik ádilet keńesshisi synyptyq sheni berildi.
Qyzmettik boryshyn úlgili atqarǵany, zańdylyqty nyǵaıtýǵa, ulttyq qaýipsizdikti qamtamasyz etýge jáne azamattardyń konstıtýtsııalyq quqyqtaryn qorǵaýǵa qosqan úlesi úshin birqatar memlekettik jáne vedomstvolyq nagradalarmen marapattalǵan.
Olardyń qatarynda «Eren eńbegi úshin» medali, І jáne ІІ dárejeli «Dańq» ordenderi, «Minsiz qyzmeti úshin» medaldary jáne basqa da marapattar bar.
Bilikti bapker Sultan Ábildaev búginnen bastap Qyzylordadaǵy «Qaısar» fýtbol ortalyǵynyń jetekshisi qyzmetine kiristi.
«Qaısar» fýtbol klýbynyń baspasóz qyzmeti habarlaǵandaı, ol buǵan deıin balalar fýtbolyn damytý maqsatynda tájirıbe jınaqtaǵan maman retinde tanymal.
Sonymen qatar «Qaısar» fýtbol klýbynyń bas bapkeri qyzmetin atqarǵan. PRO sanatyndaǵy jattyqtyrýshy. Sultan Toqataıulyna fýtbol ortalyǵynyń jumysyn júıeli damytý, jas fýtbolshylardy tárbıeleý, rezerv daıyndaý isin jańa deńgeıge kóterý sııaqty tapsyrmalar júkteldi.
Aslambek Merǵalıev Qazaqstan Respýblıkasy Joǵarǵy Sotynyń tóraǵasy bolyp qaıta taǵaıyndaldy.
– Memleket basshysynyń Jarlyǵymen Aslambek Amangeldiuly Merǵalıev Qazaqstan Respýblıkasy Joǵarǵy Sotynyń tóraǵasy laýazymyna taǵaıyndaldy, – delingen habarlamada.
Qanatbek Jaısanbaev Qazaqstan Halyq Keńesi Tóraǵasynyń orynbasary – Qazaqstan Halyq Keńesi Hatshylyǵynyń basshysy boldy.
Qanatbek Baqytuly 1980 jyly 8 aqpanda Qyzylorda qalasynda dúnıege kelgen.
2000 jyly Qazaq memlekettik zań akademııasyn zańger mamandyǵy boıynsha bitirgen. Sonymen qatar T. Rysqulov atyndaǵy Qazaq ekonomıka ýnıversıtetin 2012 támamdap, ekonomıka jáne bıznes bakalavry dárejesin aldy.
Eńbek jolyn 2000 jyly Qazaq memlekettik zań akademııasynyń Qyzylordadaǵy fılıalynda oqytýshy bolyp bastady.
2001 tamyzdan bastap Qazaqstan Respýblıkasy Joǵarǵy Soty janyndaǵy Sottyq ákimshilendirý komıtetiniń Qyzylorda oblysy boıynsha Sot ákimshiliginiń bas mamany bolyp qyzmet atqardy.
2001 jylǵy jeltoqsan aıynda Qyzylorda oblysy ákimi apparatynyń Memlekettik quqyq jumysy bóliminiń bas mamany, keıin 2003 jylǵy qyrkúıekten bastap osy bólimniń meńgerýshisi bolyp taǵaıyndaldy.
2005-2007 jyldar aralyǵynda Qazaqstan Respýblıkasy Tótenshe jaǵdaılar mınıstrliginde Quqyqtyq qamtamsyz etý basqarmasynyń bastyǵy bolyp qyzmet atqarǵan.
2007-2008 jyldar aralyǵynda «Kazakh Integrated Services» JShS jáne «CNRG Capital» JShS-nyń Astana qalasyndaǵy ókildiginde zańger bolyp qyzmet etti.
2008-2016 jyldar aralyǵynda Qyzylorda oblysy ákimi apparaty basshysynyń orynbasary, apparat basshysy laýazymdaryn atqarǵan.
2016 jylǵy qazan aıynan bastap Qazaqstan Respýblıkasy Prezıdent Ákimshiliginde memlekettik ınspektor, Memlekettik baqylaý jáne aýmaqtyq-uıymdastyrý jumysy bólimi meńgerýshisiniń orynbasary qyzmetterin atqardy.
2021 jylǵy sáýirden – 2022 jylǵy 9 jeltoqsanǵa deıin Qazaqstan Respýblıkasy Prezıdent Ákimshiliginde Memlekettik baqylaý jáne aýmaqtyq-uıymdastyrý jumysy bóliminiń meńgerýshisi bolyp qyzmet etti.
2022 jylǵy 9 jeltoqsanda Memleket basshysynyń Jarlyǵymen Qazaqstan Respýblıkasy Prezıdentiniń kómekshisi – Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaıyndaldy.
2023 jylǵy 1 qyrkúıekte Memleket basshysynyń ókimimen Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi laýazymyna taǵaıyndaldy.
«Qurmet» (2018), «Parasat» (2025) ordendermen jáne estelik medaldarmen marapattalǵan.
Úılengen, 3 balasy bar.
Baýyrjan Orynbasarov «Qazaqstan temir joly» UK» AQ basqarma tóraǵasynyń mindetin atqarýshy bolyp taǵaıyndaldy. Bul týraly Samuryq-Qazyna Qorynyń baspasóz qyzmeti habarlady.
Baýyrjan Orynbasarov 1970 jylǵy 22 qazan kúni Qyzylorda oblysynda týǵan.
1993 jyly Almaty temirjol kóligi ınjenerleri ınstıtýtyn «Tasymaldaý úderisterin basqarý» mamandyǵy boıynsha támamdaǵan.
Eńbek joly:
Batys Qazaqstan temir jolynda qyzmetker (1993–1994)
Qyzylorda stantsııasynyń parki boıynsha kezekshi, Almaty-2 stantsııasynyń kezekshisi, Almaty bólimshesiniń poıyz dıspetcheri (1994–1997)
«Qazaqstan temir joly» RMK Júk tasymalynyń bas basqarmasynda jol dıspetcheri, jetekshi ınjener, bas maman, bólim basshysy, sondaı-aq Bas dırektordyń birinshi orynbasarynyń kómekshisi, keńesshisi, Tasymaldaý úderisin úılestirý basqarmasynyń bas ınjeneri (1997–2004)
«QTJ» UK» AQ fılıaldary – Tasymal dırektsııasynyń bas ınjeneri, Magıstraldyq jeli dırektsııasynyń bas ınjeneri, Qaraǵandy bólimshesi dırektory, Tasymaldaý úderisi dırektsııasynyń dırektory, Almaty bólimshesi dırektory (2004–2010)
«QTJ» UK» AQ-da Bas ınjener – basqarýshy dırektor, Operatsııalyq jumys jónindegi basqarýshy dırektor (2010–2014)
«Qaztemirtrans» AQ Basqarma tóraǵasynyń mindetin atqarýshy (02.2014–04.2014)
«Qazaqstan temir joly» UK» AQ Vıtse-prezıdenti (2014–2016)
«Qazaqstan temir joly» UK» AQ Bas ınjeneri (2016–2017)
Infraqurylymdyq jobalar jónindegi vıtse-prezıdent (24.03.2017–11.2018)
Infraqurylym jónindegi basqarýshy dırektor, «QTJ» UK» AQ «Magıstraldyq jeli dırektsııasy» fılıalynyń dırektory (11.2018–04.2021)
«Qazaqstan temir joly» UK» AQ Basqarma tóraǵasynyń birinshi orynbasarynyń mindetin atqarýshy (04.2021–01.2022)
«Qazaqstan temir joly» UK» AQ Óndiristik úderister jónindegi basqarýshy dırektory (2022 jylǵy qańtardan bastap)
Baýyrjan Orynbasarov «Qurmet» (2011 j.) jáne «Parasat» ordenderimen (2016 j.) marapatttalǵan.
Ánýar Óskenbaev «Qazsýshar» RMK-nyń bas dırektory bolyp taǵaıyndaldy. Bul týraly Sý resýrstary jáne ırrıgatsııa mınıstrligi habarlady.
Ánýar Áýezuly 1976 jyly dúnıege kelgen.
1998 jyly M.H.Dýlatı atyndaǵy Taraz memlekettik ýnıversıtetin, 2003 jyly J.Balasaǵun atyndaǵy Qyrǵyz ulttyq ýnıversıtetin aıaqtaǵan.
Eńbek jolyn 2000 jyly «Qazfosfat – NDF» JShS-niń Eńbekti qorǵaý jáne qaýipsizdik tehnıkasy bóliminde slesar-jóndeýshi, keıin ınjener qyzmetinen bastaǵan. Keıin Astana qalasyndaǵy «Jolaýshylar tasymaly» EMK-de óndiristik-tehnıkalyq bólimniń ınjeneri bolyp jumys istegen.
2005-2007 jyldary Qazaqstan Indýstrııa jáne saýda mınıstrliginiń Básekelestikti qorǵaý komıtetinde aldymen bas maman, keıin talap-aryz jumysy bóliminiń basshysy qyzmetterin atqarǵan.
2007-2013 jyldary Respýblıkalyq bıýdjettiń atqarylýyn baqylaý jónindegi Esep komıtetinde eńbek etip, bas sarapshydan zań bóliminiń meńgerýshisine deıingi qyzmettik joldan ótti. Ár jyldary Almaty qalasy ákimi apparaty basshysynyń orynbasary, Almaty qalasynyń Turǵyn úı basqarmasynyń basshysy, sondaı-aq Almaty qalasy Áýezov aýdanynyń ákimi qyzmetterin atqarǵan.
2021-2025 jyldary «Qazaqstan ekonomıkalyq bastamalar qory» korporatıvtik qorynyń dırektory boldy.
2025 jylǵy aqpan aıynan bastap osy ýaqytqa deıin «Qazsýshar» RMK bas dırektorynyń aktıvterdi basqarý jónindegi orynbasary qyzmetin atqardy. Al byltyr qazan aıynan beri «Qazsýshar» RMK bas dırektorynyń mindetin ýaqytsha atqaryp keldi.
Budan bólek, Memleket basshysynyń jarlyqtarymen Qazaqstannyń Qyrǵyzstan, Qatar, Majarstan jáne Serbııadaǵy jańa elshileri taǵaıyndalyp, birqatar dıplomat qyzmetinen bosatyldy.
Memleket basshysynyń jarlyqtarymen jańa qyzmetke taǵaıyndalǵandar:
Ábilqaıyr Baqtybaıuly Sqaqov Qazaqstan Respýblıkasynyń Qyrǵyz Respýblıkasyndaǵy Tótenshe jáne Ókiletti Elshisi laýazymyna;
Baqyt Danabekuly Batyrshaev Qazaqstan Respýblıkasynyń Qatar Memleketindegi Tótenshe jáne Ókiletti Elshisi laýazymyna;
Anel Baqytbekqyzy Qazaqstan Respýblıkasynyń Majarstandaǵy Tótenshe jáne Ókiletti Elshisi laýazymyna;
Bolat Bárıuly Imanbaev Qazaqstan Respýblıkasynyń Serbııa Respýblıkasyndaǵy Tótenshe jáne Ókiletti Elshisi bolyp taǵaıyndaldy, ol Qazaqstan Respýblıkasynyń Armenııa Respýblıkasyndaǵy Tótenshe jáne Ókiletti Elshisi laýazymynan bosatyldy;
Qazaqstan Respýblıkasynyń Úndistan Respýblıkasyndaǵy Tótenshe jáne Ókiletti Elshisi Azamat Nesipbaıuly Esqaraev Qazaqstan Respýblıkasynyń Bangladesh Halyq Respýblıkasyndaǵy, Býtan Koroldigindegi, Maldıv Respýblıkasyndaǵy, Nepaldaǵy Tótenshe jáne Ókiletti Elshisi qyzmetin qosa atqarýshy bolyp taǵaıyndaldy.
Memleket basshysynyń jarlyqtarymen qyzmetinen ketkender:
Rápil Seıithanuly Joshybaev Qazaqstan Respýblıkasynyń Qyrǵyz Respýblıkasyndaǵy Tótenshe jáne Ókiletti Elshisi laýazymynan bosatyldy;
Arman Qaıratuly Isaǵalıev Qazaqstan Respýblıkasynyń Qatar Memleketindegi Tótenshe jáne Ókiletti Elshisi laýazymynan bosatyldy;
Abzal Saparbekuly Qazaqstan Respýblıkasynyń Majarstandaǵy Tótenshe jáne Ókiletti Elshisi laýazymynan bosatyldy;
Mádı Bákiruly Atamqulov Qazaqstan Respýblıkasynyń Serbııa Respýblıkasyndaǵy Tótenshe jáne Ókiletti Elshisi laýazymynan bosatyldy.
Belgili boksshy Qanat Islam Dúnıejúzi qazaqtary qaýymdastyǵy tóraǵasynyń birinshi orynbasarynyń keńesshisi qyzmetine taǵaıyndaldy.
Bul týraly qaýymdastyq tóraǵasynyń birinshi orynbasary Zaýytbek Turysbekov Býrabaıda ótip jatqan sheteldegi qazaq balalaryna arnalǵan «Atameken» halyqaralyq balalar quryltaıynda málimdedi.
— Shetelde týyp-ósken qazaqtyń qas batyry, álemdik rıngte el namysyn qorǵaǵan Qanat Islamdy jurtshylyq jaqsy tanıdy. Ol — sporttaǵy jetistigimen qatar, ult múddesine janashyr azamat. Quryltaıǵa qatysyp otyrǵan jas urpaqtyń arasynan Qanattaı elge qyzmet etetin azamattar ósip shyqsyn degen nıetpen ony qaýymdastyq jumysyna shaqyryp otyrmyz. Aldaǵy ýaqytta onyń el ıgiligi úshin atqaratyn jumystary kóp bolady dep senemiz, — dedi Zaýytbek Turysbekov.
Prezıdent Ákimshiligi men Memlekettik qyzmet isteri agenttiginiń kelisimimen Qasymbek Saılaýov Túrkistan oblysynyń jer resýrstaryn basqarý departamentiniń basshysy bolyp taǵaıyndaldy.
Bul kadrlyq taǵaıyndaý týraly Aýyl sharýashylyǵy mınıstrligi Jer resýrstaryn basqarý komıtetiniń tóraǵasy – jerdi paıdalaný jáne qorǵaý jónindegi bas memlekettik ınspektor Murat Temirjanov málimdedi.
Qasymbek Pernebekuly Saılaýov 1977 jyly Ońtústik Qazaqstan oblysynda dúnıege kelgen. Bilimi joǵary. Quqyqtaný jáne memlekettik basqarý mamandyqtary boıynsha bilim alǵan.
Eńbek jolyn 2000 jyly Ońtústik Qazaqstan oblysyndaǵy «Jyljymaıtyn múlik ortalyǵy» RMK zańgeri bolyp bastady.
Ár jyldary ýchaskelik polıtsııa ınspektory, Shymkent qalasynyń jer komıtetinde zańger, qalalyq jer qatynastary bóliminiń bas mamany jáne bólim basshysynyń orynbasary qyzmetterin atqardy.
2010-2011 jyldary Jambyl, Qyzylorda jáne Ońtústik Qazaqstan oblystary boıynsha óńiraralyq jer ınspektsııasynyń memlekettik baqylaý jáne jerdi qorǵaý bólimin basqardy. Keıin Shymkent qalasynyń jer qatynastary bólimi basshysynyń orynbasary, bólim basshysy jáne qala ákiminiń keńesshisi boldy.
2020 jyly Shymkent qalasynyń qala qurylysyn baqylaý basqarmasy basshysynyń orynbasary, sondaı-aq jumyspen qamtý jáne áleýmettik qorǵaý basqarmasynyń basshysy qyzmetterin atqardy.
2023-2025 jyldary «NURDAUA» JShS-de eńbek etip, keıin «Túrkistan» áleýmettik-kásipkerlik korporatsııasy» AQ-da qurylys jáne aktıvterdi basqarý jónindegi basqarýshy dırektory boldy.
2025 jyldyń aqpan aıynan bastap Eńbek jáne halyqty áleýmettik qorǵaý mınıstrligi Memlekettik eńbek ınspektsııasy komıtetiniń Almaty qalasy boıynsha departamenti basshysynyń orynbasary qyzmetin atqardy.
Qazaqstan Úkimetiniń qaýlysymen Mıras Qalıuly Tólebaev týrızm jáne sport vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlady.
1986 jyly Qostanaı oblysynda dúnıege kelgen. T.Rysqulov atyndaǵy Qazaq ekonomıkalyq ýnıversıtetin, Q.Sátbaev atyndaǵy Qazaq ulttyq tehnıkalyq ýnıversıtetin, E. Bóketov atyndaǵy Qaraǵandy memlekettik ýnıversıtetin, QR Prezıdenti janyndaǵy Memlekettik basqarý akademııasyn bitirgen.
Eńbek jolyn 2008 jylǵy shilde aıynda «Qorǵas» shekara mańy yntymaqtastyǵy halyqaralyq ortalyǵy» AQ Korporatıvtik damý jáne strategııalyq taldaý departamentiniń bas mamany bolyp bastaǵan.
2009 jylǵy naýryz aıynda Ekonomıkalyq josparlaý departamentiniń bas menedjeri qyzmetine aýystyrylyp, 2010 jyldyń qańtaryna deıin osy qyzmette eńbek etti.
2010 jyldyń aqpanynan bastap memlekettik qyzmette jumys atqardy: 2010-2011 jyldary – QR Energetıka jáne mıneraldyq resýrstar mınıstrligi Lıtsenzııalaý lıtsenzııalaýdan keıin baqylaý jáne quqyqtyq qamtamasyz etý basqarmasynyń sarapshysy.
2011-2012 jyldary – QR Indýstrııa jáne jańa tehnologııalar mınıstrligi Ónerkásip komıtetiniń Lıtsenzııalaý lıtsenzııalaýdan keıin baqylaý jáne quqyqtyq qamtamasyz etý basqarmasynyń sarapshysy. 2012-2014 jyldary – QR Munaı jáne gaz mınıstrligi Munaı-gaz keshenindegi Memlekettik ınspektsııalyq komıtetiniń Lıtsenzııalaý jáne zań qyzmeti basqarmasynyń bas sarapshysy.
2014-2015 jyldary – Qyzylorda oblysynyń Indýstrııalyq-ınnovatsııalyq damý basqarmasy basshysynyń orynbasary bolyp jumys istedi.
2015-2016 jyldary – Qyzylorda oblysynyń Kásipkerlik jáne týrızm basqarmasynyń basshysy. 2017 jyly – Elordany turaqty damytý ortalyǵy dırektorynyń orynbasary.
2017-2022 jyldary – Mádenıet jáne sport mınıstrligi Týrızm ındýstrııasy komıteti basqarmasynyń basshysy. 2022-2023 jyldary – Mádenıet jáne sport mınıstrligi Týrızm ındýstrııasy komıteti tóraǵasynyń orynbasary. 2023-2025 jyldary – QR Týrızm jáne sport mınıstriniń orynbasary.
2025 jyldyń sáýir aıynan bastap qazirgi ýaqytqa deıin jeke qurylymdarda basshylyq qyzmetterde jumys istedi.
Qazaqstan Úkimetiniń qaýlysymen Manas Embergenuly Ramazanov densaýlyq saqtaý vıtse-mınıstri qyzmetine taǵaıyndaldy. Bul týraly QR Úkimetiniń baspasóz qyzmeti habarlady.
1968 jyly Almaty oblysynda dúnıege kelgen. Almaty memlekettik medıtsına ınstıtýtyn, D.A.Qonaev ýnıversıtetin, T Rysqulov atyndaǵy Qazaq ekonomıkalyq ýnıversıtetin bitirgen.
1984–2006 jyldary Syzǵanov atyndaǵy Ulttyq hırýrgııa ǵylymı ortalyǵynda eńbek etip, kishi ǵylymı qyzmetkerden shuǵyl hırýrgııa bólimshesiniń meńgerýshisine deıingi kásibı joldan ótti.
2006-2007 jyldary – Emdeý jáne saqtandyrý jumysynyń Departamenti hırýrgııalyq kómegin uıymdastyrý bóliminiń bastyǵy.
2007-2008 jyldary – «A.N.Syzǵanov atyndaǵy Hırýrgııa ulttyq ǵylymı ortalyǵy» – Ǵylymı-klınıkalyq jumysy boıynsha dırektordyń orynbasary.
2008-2013 jyldary – Almaty qalasy Densaýlyq saqtaý basqarmasy basshynyń orynbasary.
2013-2014 jyldary – QR DSM Almaty qalasyndaǵy Medıtsınalyq qyzmetterge aqy tóleý komıteti Departamentiniń basshysy.
2014-2018 jyldary – Almaty qalasy densaýlyq saqtaý basqarmasy №1 qalalyq klınıkalyq aýrýhanasynyń bas dárigeri.
2018 jyldyń sáýir aıynan bastap qazirgi ýaqytqa deıin Almaty qalasy Densaýlyq saqtaý basqarmasynyń №7 qalalyq klınıkalyq aýrýhanasynyń bas dárigeri qyzmetin atqardy.
