Elimizdegi apta ishindegi kadrlyq taǵaıyndaýlar
ASTANA. KAZINFORM — Osy apta ishinde Qorǵanys mınıstrliginde, Ulttyq bankte jáne jergilikti atqaýshy organdarynda birqatar kadrlyq aýys-túıis boldy.
Atap aıtqanda, Memleket basshysynyń ókimimen Snejanna Valerevna Imasheva Qazaqstan Respýblıkasyndaǵy Otbasy máseleleri jónindegi ýákil — QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasy tóraǵasynyń orynbasary bolyp taǵaıyndaldy.
S. Imasheva 1981 jyly 20 sáýirde Batys Qazaqstan oblysynda dúnıege kelgen. M.Ótemisov Batys Qazaqstan memlekettik ýnıversıtetin bitirgen.
Eńbek ótili: «Nur Otan» partııasynan VI shaqyrylymdaǵy Qazaqstan Parlamenti Májilisiniń depýtaty, Qazaqstan Respýblıkasy Parlamenti Májilisiniń Zańnama jáne sot-quqyqtyq reforma komıtetiniń múshesi (24.03.2016 bastap), Jetinshi shaqyrylymdaǵy Qazaqstan Respýblıkasy Parlamenti Májilisiniń depýtaty (14.01.01.19.2021.2023), «AMANAT» partııasynyń partııalyq tizimi boıynsha segizinshi shaqyrylymdaǵy QR Parlamenti Májilisiniń depýtaty (28.03.2023 bastap).
Osy aptada Memleket basshysynyń ókimimen Bınur Jálenov Qazaqstan Respýblıkasy Ulttyq banki tóraǵasynyń orynbasary laýazymyna taǵaıyndaldy.
Ol 2024 jyldan bastap QR Ulttyq banki tóraǵasynyń keńesshisi qyzmetin atqaryp keldi.
Sonymen qatar, Memleket basshysynyń ókimimen Almaz Djýmakeev Qazaqstan Respýblıkasy Qorǵanys mınıstriniń orynbasary bolyp taǵaıyndaldy.
1970 jylǵy 6 naýryzda Qyrǵyz KSR Ystyqkól oblysynyń Prjevalsk q. 1970 jylǵy 6 naýryzda áskerı qyzmetshiler otbasynda dúnıege kelgen.
Ol 2022 jylǵy naýryzdan bastap qazirgi ýaqytqa deıin QR Qarýly Kúshteri Desanttyq-shabýyldaý áskerleriniń qolbasshysy qyzmetinde boldy.
Shyǵys Qazaqstan oblystyq Tabıǵı resýrstar jáne tabıǵat paıdalanýdy retteý basqarmasynyń basshysy bolyp Murat Qusaıynov taǵaıyndaldy.
M. Manarbekuly 1969 jyly Óskemen qalasynda dúnıege kelgen. 1992 jyly Qazaq polıtehnıkalyq ınstıtýtyn taý-ken ınjeneri mamandyǵy, 1996 jyly Lenınogor orman kolledjin tehnık-ormanshy mamandyǵy boıynsha támamdaǵan.
Eńbek jolyn Shyǵys Qazaqstan oblysynyń Aıýda orman sharýashylyǵynda birinshi razrıadtaǵy jumysshy bolyp bastady.
2015-2017 jyldary ShQO Tabıǵı resýrstar jáne tabıǵat paıdalanýdy retteý basqarmasynyń basshysy, 2017-2018 jyldary Ulan aýdany ákiminiń orynbasary laýazymdaryn atqardy. 2018-2025 jyldary qaıtadan ShQO Tabıǵı resýrstar jáne tabıǵat paıdalanýdy retteý basqarmasynyń basshysy boldy.
2025 jyldan osy ýaqytqa deıin Shyǵys Qazaqstan oblysy ákimi apparaty basshysynyń orynbasary bolyp qyzmet etti.
Aptanyń basynda Oqý-aǵartý mınıstrliginiń buıryǵymen Qyzylorda oblysynyń bilim salasynda sapany qamtamasyz etý departamentiniń basshysy laýazymyna Mádı Bekmaǵanbetov taǵaıyndaldy.
Mádı Bekmaǵanbetov eńbek jolyn bilim berý uıymdarynda bastaǵan. Ár jyldary oblystyq ishki saıasat basqarmasynda maman, oblystyq bilim basqarmasynyń bólim basshysy laýazymdarynda qyzmet atqarǵan. 2020-2023 jyldar aralyǵynda oblys ákimi apparatynda uıymdastyrý-ınspektorlyq jumys jáne aımaqtyq damý bóliminiń bas ınspektory, bólim basshysy bolǵan.
2023 jyldan búginge deıin oblys ákimi apparaty basshysynyń orynbasary qyzmetin atqaryp keldi.
Qyzylorda oblysynyń densaýlyq saqtaý basqarmasynyń basshysy laýazymyna Almas Ábilpatta taǵaıyndaldy.
Ol 1987 jyly dúnıege kelgen. Qaraǵandy memlekettik medıtsına ýnıversıtetinde emdeý isi mamandyǵy boıynsha bilim alǵan. Ál-Farabı atyndaǵy Qazaq ulttyq ýnıversıtetiniń densaýlyq saqtaýdaǵy iskerlik ákimshilendirý magıstri.
2023 jyldan osy kezge deıin Shıeli aýdandyq kópbeıindi ortalyq aýrýhanasynyń bas dárigeri qyzmetin atqaryp keldi.
Bul aptada Almaty oblysy Іshki saıasat basqarmasynyń basshysy laýazymyna Tólegen Kenjebekov taǵaıyndaldy.
T. Kenjebekov 1986 jyly týǵan. Bilimi joǵary. Jetisý memlekettik ýnıversıtetin «qazaq tili men ádebıeti», Quqyq jáne ekonomıka akademııasyn «zańger» mamandyqtary boıynsha bitirgen. Jetisý memlekettik ýnıversıtetinde «memlekettik jáne jergilikti ózin-ózi basqarý» mamandyǵy boıynsha magıstr dárejesin alǵan.
Aptanyń basynda Batys Qazaqstan oblystyq sotynyń tóraǵasy Azat Іzbasarov plenarlyq otyrysta QR Prezıdentiniń 2 naýryzdaǵy № 1188 Jarlyǵymen taǵaıyndalǵan sýdıalardy tanystyrdy.
Báıterek aýdandyq sotynyń sýdıasy bolyp taǵaıyndalǵan Janar Teńlikqyzy 1982 jylǵy 14 naýryzda Qaraǵandy qalasynda dúnıege kelgen. 2007 jyly Akademık Joldasbekov atyndaǵy ınstıtýtty támamdaǵan. Ár jyldary Aqmola oblysy Tselınograd aýdandyq sotynda jetekshi maman — sot otyrysynyń hatshysy, Almaty oblysy Taldyqorǵan garnızonynyń áskerı sotynda bas maman — sot otyrysynyń hatshysy qyzmetterin atqarǵan.
BQO kámeletke tolmaǵandardyń isteri jónindegi mamandandyrylǵan aýdanaralyq sotyna sýdıa bolyp kelgen Azamat Baıakov 1990 jylǵy 13 maýsymda Qostanaı qalasynda týǵan. 2012 jyly Ahmet Baıtursynov atyndaǵy Qostanaı memlekettik ýnıversıtetin, 2021 jyly Qazaqstan Respýblıkasy Joǵarǵy soty janyndaǵy Sot tóreligi akademııasyn támamdaǵan. Budan buryn Rýdnyı qalalyq sotynda aǵa sot prıstavy qyzmetin atqarǵan.
BQO mamandandyrylǵan aýdanaralyq ekonomıkalyq sotynda qyzmetin atqarýǵa kirisken Lıýbov Aqsholaqova 1986 jylǵy 31 jeltoqsanda Shymkent qalasynda ómir esigin ashqan. 2025 jyly QR Joǵarǵy soty janyndaǵy Sot tóreligi akademııasyn aıaqtaǵan. Aqmola oblysy advokattar alqasynyń stajeri, advokattyń kómekshisi, keıin advokaty bolyp qyzmet atqarǵan.
Oral qalasynyń ákimshilik quqyq buzýshylyqtar jónindegi mamandandyrylǵan soty sýdıalarynyń qataryn tolyqtyrǵan Aıgúl Máshtıeva 1981 jylǵy 7 qańtarda Astana qalasynda dúnıege kelgen. 2007 jyly Eýrazııa gýmanıtarlyq ınstıtýtyn, 2024 jyly M.Nárikbaev atyndaǵy Qazaq gýmanıtarlyq zań ýnıversıtetin támamdaǵan. Ár jyldary Astana qalasy advokattar alqasynyń stajeri, Astana qalasy polıtsııa departamentiniń zań bóliminde jetekshi maman, sondaı-aq advokat bolyp qyzmet atqarǵan.
Oral qalalyq sotynyń jańa sýdıasy Jánibek Jarmuhambet 1993 jylǵy 4 aqpanda Pavlodar qalasynda ómirge kelgen. Eýrazııa ınnovatsııalyq ýnıversıtetin zańger mamandyǵy boıynsha támamdaǵan. Pavlodar oblysy boıynsha Sottar ákimshisinde jetekshi maman, Ekibastuz qalalyq prokýratýrasynda prokýror, Pavlodar oblystyq prokýratýrasynda prokýror qyzmetterin atqarǵan.
Oral qalalyq sotynyń sýdıasy Abadan Mamyrov 1995 jylǵy 5 maýsymda Oral qalasynda dúnıege kelgen. 2025 jyly Qazaqstan Respýblıkasy Joǵary soty janyndaǵy Sot tóreligi akademııasyn bitirgen. Eńbek jolyn Oral qalasynyń № 2 sotynda jetekshi maman retinde bastap, keıin Aqjaıyq aýdandyq sotynda, Oral qalasynyń mamandandyrylǵan tergeý sotynda, Oral qalasynyń № 2 sotynda jáne Oral qalasynyń ákimshilik quqyq buzýshylyqtar jónindegi mamandandyrylǵan sotynda bas maman — sot otyrysynyń hatshysy qyzmetterin atqarǵan.
Oral qalasynyń № 2 sotyna kelgen Rýslan Sharıpov 1986 jylǵy 17 sáýirde SQO-nyń Jambyl aýdanynda dúnıege kelgen. 2025 jyly Qazaqstan Respýblıkasy Joǵary soty janyndaǵy Sot tóreligi akademııasyn támamdaǵan. Eńbek jolyn «Petropavl qalasy ákimdiginiń qurylys, sáýlet jáne qala qurylysy bólimi» MM-de memlekettik satyp alýlar sektorynyń bas maman-zańgeri retinde bastaǵan.
Oral qalasynyń № 2 sotynyń sýdıasy Muradym Tilepov 1988 jylǵy 1 aqpanda Oral qalasynda dúnıege kelgen. 2022 jyly Qazaqstan Respýblıkasy Joǵarǵy soty janyndaǵy Sot tóreligi akademııasyn aıaqtaǵan. Ár jyldary «BQO ákimi apparaty» MM memlekettik-quqyqtyq bóliminiń bas mamany, Abaı oblysy Semeı qalalyq sotynyń sýdıasy qyzmetterin atqarǵan.
Osy aptada Vıktor Kýmykov «Turan» klýbynyń jańa bas bapkeri retinde bekitilgeni málim boldy.
Aıta ketsek, Vıktor Kýmykova jergilikti jankúıerlerge qaraǵandylyq «Shahter» komandasyndaǵy jumysymen tanymal. Bul mamannyń jetekishiligimen «Shahter» 2011 jáne 2012 jyldary Qazaqstan chempıony atansa, 2013 jyly Qazaqstan Sýperkýbogyn, 2013 jyly Qazaqstan Kýbogyn jeńip alǵan. Sondaı-aq Kýmykovpen qaraǵandylyq komanda Qazaqstannyń fýtbol tarıhynda tuńǵysh ret Eýropa Lıgasynyń toptyq kezeńine shyqty.