Elimizdegi apta ishindegi kadrlyq taǵaıyndaýlar

Atap aıtqanda, Almaty qalasy ákiminiń ókimimen Janat Aıtbaeva qalalyq Balalardyń quqyǵyn qorǵaý basqarmasynyń basshysy bolyp taǵaıyndaldy.

Ol 1968 jyly 23 aqpanda Shyǵys Qazaqstan oblysynda dúnıege kelgen. Joǵary pedagogıkalyq jáne ekonomıkalyq bilimi bar. Pedagogıka ǵylymdarynyń kandıdaty, ekonomıka jáne bıznes magıstri.

Osy salada jalpy eńbek ótili 35 jyldan asady. Eńbek jolyn muǵalim bolyp bastap, ár jyldary bilim berý uıymdary men memlekettik organdarda basshylyq qyzmetter atqarǵan.

Shyǵys Qazaqstan óńirlik «Daryn» ǵylymı-tájirıbelik ortalyǵyn, Óskemen qalalyq bilim bólimin basqarǵan. Sondaı-aq Astana IT University prorektory, «Almaty daryny» KMQK dırektory jáne Almaty qalasy Bilim basqarmasy basshysynyń orynbasary qyzmetterin atqarǵan.

2025 jyly qyrkúıekten beri Almaty qalasy ákimdigi apparatynyń ıdeologııalyq jumys bóliminiń bas ınspektory, kámeletke tolmaǵandardyń isteri jáne olardyń quqyǵyn qorǵaý jónindegi komıssııanyń hatshysy qyzmetinde boldy.

Tennısti damytý qorynda kadrlyq taǵaıyndaý boldy. Ardaq Ábijanov Qazaqstan tennıs federatsııasynyń atqarýshy dırektory bolyp taǵaıyndaldy.

Ol Narhoz ýnıversıtetin úzdik támamdaǵan, University of International Business oqý ornynda MBA dárejesin alǵan. Sonymen qatar London Business School jáne Warwick Business School sekildi jetekshi halyqaralyq bıznes-mektepterinde bilimin jetildirgen.

Eńbek jolyn qarjylyq konsaltıng, aýdıt jáne mámilelerdi súıemeldeý salasynda álemdik «Úlken tórttikke» kiretin Deloitte jáne PwC kompanııalarynda bastaǵan. 2017 jyldan beri Ardaq Ábijanov kásipkerlikpen aınalysyp keledi. Sonyń ishinde Qazaqstandaǵy jeke zattardy saqtaý qyzmetin usynatyn alǵashqy servıstiń negizin qalady.

2025 jyldyń qańtar aıynan bastap Tennısti damytý qoryn (Gorky Tennis Park) basqarady. Oǵan qosa Alatau Tennis Ortalygy tennıs ortalyǵynyń qyzmetin úılestirip, sportshylardy daıarlaý júıesi men Almaty qalasyndaǵy tennısti damytý isine tıimdi yqpaldasýyn qamtamasyz etedi.

A.Ábijanov tennısti belsendi nasıhattaýshylardyń biri ári Qazaqstannyń áýesqoı tennıs qaýymdastyǵyndaǵy jetekshi oıynshylardyń qatarynda. Ol QSLT reıtınginiń úzdik bestigine kiredi.

A.Ábijanov Tennısti damytý qorynyń (Gorky Tennis Park) bas dırektory qyzmetin de jalǵastyra beredi.

Erlan Qarın Qazaqstan Respýblıkasy Prezıdentiniń Ákimshiligi Basshysynyń birinshi orynbasary laýazymyna bekidi.

Erlan Tynymbaıuly 1976 jyly Túrkistan oblysy, Saıram aýdany, Aqsý aýylynda týǵan. 1996 jyly K. Jubanov atyndaǵy Aqtóbe memlekettik ýnıversıtetin «Tarıh jáne geografııa» mamandyǵy boıynsha bitirdi. «Tarıh jáne geografııa pániniń muǵalimi» biliktiligi berildi. 1999 jyly Ál-Farabı atyndaǵy Qazaq memlekettik ýnıversıteti Fılosofııa jáne saıasattaný fakýltetiniń aspırantýrasyn bitirdi. Saıası ǵylymdarynyń kandıdaty.

Eńbek jolyn 1996 jyly mektep muǵalimi bolyp bastaǵan. Ár jyldary saraptamalyq ortalyqtarda, memlekettik qyzmette, Prezıdent Ákimshiliginde, «Nur Otan» partııasynda jáne «Qazaqstan» RTRK-da basshylyq qyzmetter atqardy. 2022 jyly Qazaqstan Respýblıkasynyń Memlekettik hatshysy bolyp taǵaıyndaldy.

«Qurmet» ordenimen (2010 jyly), ІІ dárejeli «Dostyq» ordenimen (2019 jyly), ІІ dárejeli «Barys» ordenimen (2022 jyly), Qazaqstan Respýblıkasynyń Ulttyq qaýipsizdik komıtetiniń «Ulttyq qaýipsizdikti qamtamasyz etýge qosqan úlesi úshin» (2019 jyly) medalymen marapattalǵan.

Prezıdenttik jastar kadr rezerviniń ókili Aıdos Shambýlov Energetıka mınıstrliginde basshylyq qyzmetke taǵaıyndaldy.

Aıdos Shambýlov ál-Farabı atyndaǵy Qazaq ulttyq ýnıversıtetin «Quqyqtaný» mamandyǵy boıynsha támamdaǵan. «Bolashaq» halyqaralyq baǵdarlamasynyń túlegi, University of California ýnıversıtetinde «Quqyq» mamandyǵy boıynsha bilim alǵan. Qazaqstan Respýblıkasy Prezıdenttik jastar kadr rezerviniń múshesi.

Eńbek jolyn Ońtústik Qazaqstan oblysy Tabıǵı resýrstar jáne tabıǵat paıdalanýdy retteý basqarmasynyń Memlekettik satyp alýdy uıymdastyrý bóliminiń bas mamany qyzmetinen bastaǵan.

Ár jyldary memlekettik jáne kvazımemlekettik uıymdarda basshylyq qyzmetter atqarǵan. «Samruk-Kazyna Construction» AQ-nyń ákimshilik jumys bólimin basqarǵan, sondaı-aq Astana qalasy Ádilet departamenti basshysynyń orynbasary qyzmetin atqarǵan.

Osy taǵaıyndaýǵa deıin «GrandBuildCompany» JShS-niń basqarýshy dırektory qyzmetinde jumys istedi.

Energetıka mınıstrligi Apparaty basshysynyń buıryǵymen Aıbek Ijanov Munaı jáne gaz salalaryndaǵy memlekettik baqylaý departamentiniń dırektory qyzmetine aýysty.

Aıbek Baldaıuly Ijanov Qanysh Sátbaev atyndaǵy Qazaq ulttyq tehnıkalyq ýnıversıtetin «Paıdaly qazbalar ken oryndaryn barlaý tehnıkasy men tehnologııasy» jáne «Munaı-gaz isi» mamandyqtary boıynsha, sondaı-aq Halyqaralyq bıznes akademııasyn «Menedjment» mamandyǵy boıynsha támamdaǵan.

Eńbek jolyn óndiris salasynda bastap, keıin memlekettik organdarda, ulttyq kompanııalarda jáne munaı-gaz, taý-ken ónerkásibi uıymdarynda qyzmet atqardy. Ár jyldary Energetıka jáne mıneraldyq resýrstar mınıstrliginde, «Saryarqa» ÁKK» AQ-da, «Taý-Ken Samuryq» UTK» AQ-da, Geologııa jáne jer qoınaýyn paıdalaný komıtetinde, «Qazgeologııa» UGK» AQ-da, «Ulttyq geologııalyq qyzmet» AQ-da, «Qazgıdrogeologııa» ulttyq gıdrogeologııalyq qyzmeti» AQ-da jáne basqa da salalyq uıymdarda basshylyq qyzmetterdi atqarǵan.

Osy taǵaıyndaýǵa deıin «Samǵaý» ǵylymı-tehnologııalyq bastamalar ortalyǵynyń Saraptama jáne monıtorıng sektorynyń aǵa menedjeri qyzmetin atqardy.

Sonymen qatar Energetıka mınıstrliginde Asqar Qonaqbaev Gaz ónerkásibi departamentiniń dırektory bolyp taǵaıyndaldy

Asqar Nurmuhanbetuly Qonaqbaev 1985 jyly dúnıege kelgen.Q.I. Sátbaev atyndaǵy Qazaq ulttyq tehnıkalyq ýnıversıtetin «Qorshaǵan ortany ınjenerlik qorǵaý» mamandyǵy boıynsha, sondaı-aq Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetin «Qurylys» mamandyǵy boıynsha támamdaǵan.

Eńbek jolyn «Aýyl Gaz» JShS óndiristik-tehnıkalyq bóliminiń ınjeneri bolyp bastaǵan. Ár jyldary gaz salasynda basshylyq qyzmetter atqarǵan. «Intergaz Ortalyq Azııa» AQ-nyń Aqtaý fılıalyna jetekshilik etken.

2010 jyldan bastap qazirgi ýaqytqa deıin «QazTransGaz Aımaq» AQ-da eńbek etip, jetekshi mamannan departament dırektoryna deıingi eńbek jolynan ótti.

Mańǵystaý oblysynda oblystyq bala quqyqtaryn qorǵaý basqarmasynyń basshysy bolypNesibeli Qýatovataǵaıyndaldy.

Nesibeli Qýatova 1979 jyly 1 shildede Mańǵystaý oblysy Túpqaraǵan aýdanynyń Taýshyq aýylynda dúnıege kelgen. Joǵary bilimdi. Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetin «Kásiptik oqytý pedagogy» mamandyǵy boıynsha támamdaǵan. 2024 jyly Astana qalasyndaǵy Qazaqstan Respýblıkasy Prezıdentiniń janyndaǵy Memlekettik basqarý akademııasynda bilim aldy.

Eńbek jolyn 1998 jyly Aqtaý qalasyndaǵy № 15 orta mektepte bastaýysh synyp muǵalimi bolyp bastaǵan. Ár jyldary mektepte, balabaqshada jáne arnaıy bilim berý uıymdarynda qyzmet atqardy. 2012-2025 jyldary Mańǵystaý oblystyq «Daryn» qosymsha bilim berý ortalyǵynda uıymdastyrýshydan dırektorǵa deıingi eńbek jolynan ótti. 2025 jyldyń qarashasynan beri Túpqaraǵan aýdandyq bilim bóliminiń basshysy qyzmetin atqaryp keldi.

Aıjan Qurmanova Abaı oblysy bilim basqarmasynyń basshysy bolyp taǵaıyndaldy.

Ol 1970 jyly Semeı qalasynda dúnıege kelgen. Shákárim atyndaǵy Semeı pedagogıkalyq ınstıtýtyn tarıh páni muǵalimi, Muhtar Áýezov atyndaǵy pedagogıkalyq ýchılışeni bastaýysh synyp muǵalimi mamandyǵy boıynsha bitirgen.

Eńbek jolyn 1989 jyly Semeı qalasyndaǵy № 34 orta mektepte bastaýysh synyp muǵalimi retinde bastaǵan. Ár jyldary Semeı qalasyndaǵy birneshe mektepte muǵalim, dırektordyń oqý ádistemelik jónindegi orynbasary, Evrazııa gýmanıtarlyq kolledjinde, Qazaq ınnovatsııalyq gýmanıtarlyq-zań ýnıversıteti men Semeı medıtsına ýnıversıtetinde oqytýshy, Semeı qalalyq bilim bóliminiń ádiskeri, Abaı oblysy bilim basqarmasynyń bólim basshysy boldy.

Buǵan deıin Abaı oblysy bilim basqarmasy basshysynyń orynbasary qyzmetin atqardy.

Jambyl oblystyq qarjy basqarmasynyń basshysy bolyp Ernar Ábildaev taǵaıyndaldy.

Ol 1991 jyly Jambyl oblysy Merki aýdanynda dúnıege kelgen. 2013 jyly L. N. Gýmılev atyndaǵy Eýrazııa ulttyq ýnıversıtetin «Týrızm» mamandyǵy, al 2014 jyly Qazaq ekonomıka, qarjy jáne halyqaralyq saýda ýnıversıtetiniń «Memlekettik jáne jergilikti basqarý» mamandyǵy boıynsha magıstratýrasyn támamdaǵan.

Eńbek jolyn 2015 jyly Qazaqstan Respýblıkasy Investıtsııalar jáne damý mınıstrliginde bastaǵan. Osy mınıstrlikte basqarma sarapshysy, bas sarapshy, basqarma basshysy jáne departament dırektorynyń orynbasary qyzmetterin atqarǵan.

2023 jylǵy qazannan 2024 jylǵy aqpanǵa deıin Qazaqstan Respýblıkasy Kólik mınıstrligi departamenti dırektorynyń orynbasary, 2024 jylǵy aqpannan tamyzǵa deıin Jambyl oblysy ákimi apparaty basshysynyń orynbasary laýazymdarynda eńbek etti.

Sondaı-aq Jambyl oblysy týrızm jáne ınvestıtsııa basqarmasyna Erjan Tálip jańa basshy etip saılandy.

Ol1989 jyly dúnıege kelgen. 2014 jyly Qytaı Halyq Respýblıkasyndaǵy Hýachjýn ǵylym jáne tehnologııa ýnıversıtetin «Menedjment» mamandyǵy boıynsha támamdap, 2016 jyly Reseı halyqtar dostyǵy ýnıversıtetinde «Quqyqtaný» mamandyǵy boıynsha magıstr dárejesin alǵan. Orys, aǵylshyn jáne qytaı tilderin meńgergen.

Eńbek jolyn 2014 jyly jeke sektorda maman retinde bastaǵan. Ár jyldary túrli seriktestikterde maman jáne satý menedjeri, «Astana Opera» memlekettik opera jáne balet teatrynda marketıng, halyqaralyq baılanystar, uıymdastyrý jumysy jáne strategııalyq josparlaý departamentiniń mamany jáne bas mamany qyzmetterin atqarǵan.

Keıin ınvestıtsııalar tartý jáne óńirlik damý salasynda eńbek etip, «Turkistan Invest» óńirlik ınvestıtsııalyq agenttiginde, «Túrkistan» áleýmettik kásipkerlik korporatsııasy» AQ-da, «Túrkistan oblysynyń tsıfrlandyrý ortalyǵy» fılıalynda, «Ońtústik» óńirlik ınvestıtsııalyq ortalyǵy» JShS-da jáne «Taraz» ındýstrııalyq aımaǵy» basqarýshy kompanııasy» JShS-da menedjer, bas menedjer, bas sarapshy, bólim basshysy jáne ınvestıtsııalar tartý jónindegi menedjer laýazymdaryn atqarǵan. Sondaı-aq «Zhambyl Invest» dırektsııasy basshysynyń orynbasary jáne basshysy, «Taraz» ındýstrııalyq aımaǵy» basqarýshy kompanııasy» JShS dırektory qyzmetterinde eńbek etti.

Al Qyzylorda oblysynda Jańaqorǵan aýdanynyń ákimi bolyp Jarqynbek Ǵalymjan taǵaıyndaldy.

Ol 1978 jyly Jańaqorǵan aýdanynda dúnıege kelgen. Qazaq memlekettik agrarlyq ýnıversıtetin agronomııa mamandyǵy boıynsha támamdaǵan.

Eńbek jolyn «Kazagreks» memlekettik kásipornynda bas maman retinde bastap, aýyl sharýashylyǵy salasynda túrli jaýapty qyzmetter atqarǵan. 2009-2021 jyldary oblystyq aýmaqtyq ınspektsııasynyń bólim basshysy, Qyzylorda qalalyq aýyl sharýashylyǵy jáne veterınarııa bóliminiń basshysy, Jańaqorǵan aýdany ákiminiń orynbasary boldy.

2021 jyldyń qańtar aıynan osy kúnge deıin Jańaqorǵan aýdandyq máslıhatynyń tóraǵasy qyzmetin abyroımen atqaryp keldi.

Qazaqstandyq 48 jastaǵy maman Marat Eslıamov «Ertis» fýtbol klýbynyń bas bapkeri atandy.

Marat Joldasuly kásibı fýtbolshy retinde «Namys», «Qaırat TsSKA», «Aqmola», «Esil» jáne «Hımık» klýbtarynda oıyn kórsetken. Bapkerlik jolynda otandyq klýbtarda, Qazaqstan jasóspirimder jáne jastar quramalarynda qyzmet atqardy. Sondaı-aq Qazaqstan ulttyq quramasynyń bapkerler shtabynda eńbek etti.

2021 jyly «Aqsýmen» Birinshi lıganyń jeńimpazy atansa, 2022 jyly «Qaısarmen» Birinshi lıganyń kúmis júldesin ıelenip, komandany Premer-lıgaǵa shyǵardy. 2023-2024 jyldary «Ulytaý» klýbyn basqardy.

Bas bapkerdiń kómekshisi qyzmetine Ivan Gennadevıch Azovskıı taǵaıyndaldy. Ol — qazaqstandyq klýbtarda jáne Qazaqstan ulttyq quramasynyń bapkerler shtabynda qyzmet atqarǵan tájirıbeli maman.

Al «Taraz» fýtbol klýby bas bapkeriniń mindetin maýsym sońyna deıin Azız Anarmetov atqarady.

Azız Anarmetov buǵan deıin de birneshe ret negizgi qurammen jumys istegen. Bıylǵy maýsymda ol Ekinshi lıgada óner kórsetetin jastar quramasyn jattyqtyrdy.

Bas bapkerdiń kómekshisi bolyp Erlan Eleýsinov taǵaıyndaldy. Ol bapkerlik qyzmetpen 2010 jyldan beri aınalysyp keledi jáne klýbtyń negizgi ári jastar komandalarynda jumys isteý tájirıbesine ıe.

Qazirgi tańda Birinshi lıga birinshiliginde 26 týrdyń 11-i ótti. «Taraz» 11 matchtan keıin 16 upaımen týrnır kestesiniń jetinshi satysynda tur. Komanda bes jeńiske jetip, bir ret teń túsip, bes kezdesýde jeńilgen.

Jańa taǵaıyndaýlar Rýslan Esatov pen onyń kómekshisi Aleksandr Kýchmanyń qyzmetten ketkeninen keıin júzege asty. Rýslan Esatov bas bapker qyzmetinen óz ótinishi boıynsha ketse, Aleksandr Kýchmamen eńbek sharty taraptardyń ózara kelisimimen merziminen buryn toqtatyldy.