Elimizde apta ishinde bolǵan kadrlyq taǵaıyndaýlar
ASTANA. KAZINFORM – Osy apta ishinde elimizdiń ortalyq jáne jergilikti atqarýshy organdarynda birqatar kadrlyq aýys-túıis boldy.
Memleket basshysynyń ókimimen Kenjeǵul Sotsıaluly Seıtjan Qazaqstan Respýblıkasy Prezıdenti janyndaǵy Halyqtyń áleýmettik jaǵynan osal sanattarynyń quqyqtary jónindegi ýákil laýazymyna taǵaıyndaldy.
Ol 1982 jyly 29 shildede Qostanaı oblysy, Amangeldi aýdanynda dúnıege kelgen. 1991 jyldan 2003 jylǵa deıin Almaty q. N.Ostrovskıı atyndaǵy zaǵıptar men nashar kóretin balalarǵa arnalǵan № 4 arnaıy mektep-ınternatynda oqydy. 2003 jyldan 2007 jylǵa deıin «Tarıh. Quqyq jáne ekonomıka negizderi» mamandyǵy boıynsha ál-Farabı atyndaǵy Qazaq ulttyq ýnıversıtetinde bakalavr dárejesi boıynsha bilim alǵan. 2008-2009 jyldar aralyǵynda Japonııada áleýmettik kóshbasshylyq kýrsynan ótti. 2011 jyldan 2013 jylǵa deıin University of CUNY (AQSh) ýnıversıtetinde aǵylshyn tilin oqydy. 2015 jyly University of Reading (Anglııa) Education (Leadership and Management) mamandyǵy boıynsha magıstr dárejesin aldy.
Alpınızm boıynsha álem chempıonatynyń qatysýshysy (Frantsııa, Parıj, 2016 j.) 7-oryn, 2019 jyl (Frantsııa) 7-oryn. «Golbol» Paraolımpıadalyq sport túrinen 2017, 2019 j. Qazaqstan chempıony. Golboldan 2020, 2021, 2022 jyldardaǵy kýbogynyń chempıony. Paravelosporttan Qazaqstan chempıony 2021 j. (Petropavl q.), 2022 j. (Aqtaý q.), 2022 j. (Býrabaı q.). 2022 jylǵy Paravelosporttan Azııa chempıonatynyń qola júldegeri (Dýshanbe q.) jáne Paravelosporttan boıynsha UCI halyqaralyq reıtıngi boıynsha 13-orynda. Golboldan sport sheberine úmitker. Paravelosporttan sport sheberi.
Qazaq, orys, aǵylshyn jáne japon tilderin jetik meńgergen. Nemis, túrik, arab tilderin úırenýde. Úılengen, eki bala tárbıelep otyr.
Eńbek jolyn 2007 jyly Almaty qalasy, Medeý aýdanynyń № 7 jalpy bilim beretin mektebinde tarıh pániniń muǵalimi bolyp bastaǵan. 2017 jyldan 2022 jylǵa deıin múgedek balalarǵa arnalǵan «Meıirim» ońaltý ortalyǵynda áleýmettik baǵdarlamalar boıynsha menedjer bolyp jumys istedi. 2017 jyldan 2022 jylǵa deıin qonaq úı bıznesinde dırektor bolyp qyzmet atqarǵan. 2016 jyldan 2022 jylǵa deıin «Qazaqstan golbol federatsııasy» ZTQ Bas hatshysy qyzmetin atqardy.
2019 jyldan 2021 jylǵa deıin «Qazaqstan Paravelosport federatsııasy» RQB vıtse-prezıdenti qyzmetin atqardy. 2022 jyldan bastap osy kúnge deıin Astana q. golbol federatsııasynyń prezıdenti.
2023 jylǵy naýryzdan bastap Qazaqstan Respýblıkasy Parlamenti Májilisiniń VIII shaqyrylym depýtaty, «Qazaqstan Halyq partııasy» fraktsııasynyń múshesi.
Tótenshe jaǵdaılar mınıstriniń buıryǵymen Ernur Ótegenov vedomstvo apparatynyń basshysy bolyp taǵaıyndaldy.
Ernur Ótegenov 1978 jyly Batys Qazaqstan oblysynda dúnıege kelgen. ІІM Almaty joǵary tehnıkalyq ýchılışesin, Kókshetaý tehnıkalyq ınstıtýtyn, Qazaqstan ınnovatsııalyq jáne telekommýnıkatsııalyq júıeler ýnıversıtetin bitirgen.
Eńbek jolyn 1998 jyly BQO Memlekettik órtke qarsy qyzmeti Órt sóndirý bóliminiń ınspektory bolyp bastaǵan. Ár jyldary Batys Qazaqstan oblysynyń órtke qarsy qyzmet qurylymdarynda ınspektor, anyqtaýshy, aǵa ınjener, bas maman, bólim bastyǵy, basqarma bastyǵynyń orynbasary bolyp eńbek etti. 2011-2012 jyldary – Aqtóbe oblysy TJD Memlekettik órt baqylaý basqarmasynyń bastyǵy. 2012-2019 jyldary – Aqtóbe oblysy TJD bastyǵynyń orynbasary. 2019-2021 jyldary – Pavlodar oblysy TJD bastyǵy. 2021 jyldan bastap qazirgi ýaqytqa deıin Batys Qazaqstan oblysy TJD bastyǵy.
Jetisý oblysy ákiminiń ókimimen Raýan Amanuly Daýtalınov oblystyq ekonomıka jáne bıýdjettik josparlaý basqarmasynyń basshysy bolyp taǵaıyndaldy.
Raýan Amanuly Daýtalınov 1977 jyly týǵan. Joǵary bilimdi. Ál-Farabı atyndaǵy Qazaq ulttyq ýnıversıtetin Qazaqstan tarıhy, І.Jansúgirov atyndaǵy Jetisý memlekettik ýnıversıtetin qarjy jáne nesıe mamandyqtary boıynsha bitirgen.
Eńbek jolyn Eskeldi aýdany Troıtsk orta mektebiniń tarıh pániniń muǵalimi bolyp bastady. Ár jyldarda Taldyqorǵan qalasynda «Almaty oblysy ákiminiń kórkemóner galereıasy» MKQM bas esepshisi, Almaty oblysynyń «Olımpıadalyq rezervter daıyndaý ortalyǵy» KMM dırektorynyń orynbasary, Kóksý aýdandyq qarjy bóliminiń jetekshi mamany, Almaty oblysy qurylys basqarmasynyń bólim bastyǵy, Almaty oblysynyń ekonomıka jáne bıýdjettik josparlaý basqarmasynyń bas mamany, bólim basshysy, basqarma basshysynyń orynbasary boldy.
2022 jyldyń shildesinen Jetisý oblysynyń ekonomıka jáne bıýdjettik josparlaý basqarmasy basshysynyń orynbasary bolyp qyzmet etti.
Aqtóbe oblystyq Tutynýshylar quqyqtaryn qorǵaý departamentiniń basshysy qyzmetine Qaırat Raıymqulov, al oblystyq Іshki saıasat basqarmasynyń basshysy qyzmetine Álibek Baıneshov taǵaıyndaldy.
Aqtóbe oblysy ákiminiń baspasóz qyzmetiniń habarlaýynsha, Qaırat Raıymqulov jańa qyzmetke taǵaıyndalǵanǵa deıin oblystyq máslıhat depýtaty boldy.
Ol Ál-Farabı atyndaǵy Qazaq ulttyq ýnıversıtetin, Qazaq gýmanıtarlyq zań ýnıversıtetin támamdaǵan ári Prezıdenttik jastar kadr rezerviniń múshesi.
Eńbek jolyn Aqtóbe oblysynyń qarjy basqarmasynyń ishki baqylaý bóliminiń jetekshi mamany bolyp bastaǵan. Aqtóbe oblysynyń qarjy, ekonomıka jáne bıýdjettik josparlaý basqarmalarynyń, Aqtóbe qalasy ákimi apparatynyń túrli laýazymdarynda jumys istegen. Aqtóbe qalasynyń ekonomıka jáne qarjy bólimin, Aqtóbe qalasy ákimi apparatyn, Aqtóbe oblysynyń kásipkerlik, qarjy basqarmalaryn basqardy. 2021-2023 jyldary Aqtóbe oblysy ákimi apparatynyń basshysy boldy.
Al Álibek Baıneshov Mahambet Ótemisov atyndaǵy Batys Qazaqstan memlekettik ýnıversıtetin, Samara memlekettik ýnıversıtetin bitirgen. Mamandyǵy boıynsha biliktiligi – qarjy, quqyqtaný.
Eńbek jolyn 2005 jyldan bastaǵan. Jastar qoǵamdyq birlestikterinde, úkimettik emes uıymdarda, «Amanat» partııasynda, «Atameken» QR Ulttyq kásipkerler palatasynda túrli laýazymdarda jumys istegen. 2018-2020 jyldary «Synergy consulting group» JShS bas dırektory qyzmetin atqarǵan. 2020-2023 jyldary Aqtóbe qalasy ákiminiń keńesshisi, Aqtóbe qalasynyń «Almaty» aýdany ákimi apparatynyń basshysy, aýdan ákiminiń orynbasary qyzmetterin atqarǵan. 2023 jyldyń qazan aıynan bastap Aqtóbe oblysy ákimi apparaty basshysynyń orynbasary qyzmetin atqaryp keldi.
Jambyl oblysy ákiminiń ókimimen Ǵalym Qambaruly Ábdiqazıev oblys ákimdiginiń Memlekettik satyp alý basqarmasynyń basshysy bolyp taǵaıyndaldy.
Ǵalym Ábdiqazıev 1973 jyly týǵan. Jambyl gıdromelıoratsııa qurylys ınstıtýtyn «avtomobılder jáne avtomobıl sharýashylyǵy», M.H.Dýlatı atyndaǵy Taraz memlekettik ýnıversıtetin «memlekettik jáne jergilikti basqarý», sondaı-aq «taý-ken isi» mamandyqtary boıynsha bitirgen.
Eńbek jolyn 1990 jyly Taraz qalasyndaǵy «Daýyl» jeke fırmasynyń satýshysy bolyp bastaǵan. 1996-1999 jyldary «Shyǵys-Tańy» JShS qoıma meńgerýshisi, is júrgizýshisi, dırektorynyń orynbasary, 2000-2005 jyldary «Taraz kólik joly» JShS saýda bóliminiń basshysy, 2005-2010 jyldary Jambyl oblysy ákimdiginiń jolaýshylar kóligi jáne avtomobıl joldary basqarmasynyń bas mamany, bólim basshysy, basqarma basshysy boldy.
2011-2012 jyldary «TTK Kazatomónerkásip joldary» JShS fılıalynyń dırektory, 2013-2014 jyldary M.Áýezov atyndaǵy Ońtústik Qazaqstan memlekettik ýnıversıtetiniń memlekettik satyp alý jáne materıaldyq-tehnıkalyq jabdyqtaý bóliminiń basshysy, 2014-2016 jyldary «Adal Senim Stroı» JShS dırektory, 2016-2017 jyldary QR Qorǵanys jáne aeroǵarysh ónerkásibi mınıstrligi Memlekettik rezervter komıtetiniń «Rezerv» RMK Memlekettik satyp alý basqarmasynyń basshysy, 2017-2023 jyldary «Adal Senim Stroı» JShS dırektory qyzmetterin atqarǵan.
2023 jyldyń jeltoqsan aıynan bastap Jambyl oblysy ákimi kómekshisiniń mindetin atqarýshy laýazymynda eńbek etip keldi.
Іshki ister mınıstriniń buıryǵymen Atyraý oblystyq Polıtsııa departamenti bastyǵynyń orynbasary laýazymyna Rýslan Eshmanov kiristi.
Rýslan Oljabaıuly Atyraý qalasynda dúnıege kelgen. M.Bókenbaev atyndaǵy Aqtóbe zań ınstıtýtyn bitirgen.
Eńbek jolyn 2001 jyly Atyraý qalalyq ishki ister basqarmasynyń ýchaskelik polıtsııa ınspektory bolyp bastaǵan. Keıin Atyraý qalalyq Polıtsııa basqarmasy bastyǵynyń kadr saıasaty jónindegi orynbasary laýazymyn atqarǵan. Osy taǵaıyndaýǵa deıin Inder aýdany polıtsııa bólimine jetekshilik etti.
Memleket basshysynyń kelisimi boıynsha Bas prokýrordyń buıryǵymen Rızabek Kárimuly Ojarov Qyzylorda oblysynyń prokýrory laýazymyna taǵaıyndaldy.
Rızabek Ojarov 1972 jyly dúnıege kelgen. 1996-2017 jyldar aralyǵynda Qazaqstan Respýblıkasynyń ulttyq qaýipsizdik organdarynda qyzmet atqarǵan. 2017-2019 jyldary Bas prokýratýranyń Arnaıy prokýrorlar qyzmeti bastyǵynyń orynbasary, Almaty oblysy prokýrorynyń orynbasary laýazymdarynda bolǵan. 2019 jyldan qazirgi ýaqytqa deıin Bas prokýratýranyń Sotqa deıingi tergep-tekserý qyzmetin basqarǵan. «Jaýyngerlik erligi úshin» medalimen nagradtalǵan.
Bas prokýrordyń ókimimen Petropavl prokýrory bolyp Tynybek Saparov taǵaıyndaldy.
Tynybek Ánýarbekuly 1986 jyly SQO, Maǵjan Jumabaev aýdany, Eremeevka eldimekeninde dúnıege kelgen. M.Qozybaev atyndaǵy Soltústik Qazaqstan ýnıversıtetin «zańger» mamandyǵy boıynsha bitirgen.
Prokýratýra organyna 2009 jyly kelip, Petropavl qalasy prokýrorynyń kómekshisi boldy. Keıin Aıyrtaý aýdany prokýrorynyń kómekshisi, sottarda memleket múddelerin bildirý basqarmasynyń jáne SQO prokýratýrasynyń qylmystyq protsestiń sotqa deıingi satysy basqarmasynyń prokýrory jáne Taıynsha aýdany prokýrorynyń orynbasary laýazymdaryn atqardy. 2019 jyldan bastap osy kúnge deıin Soltústik Qazaqstan oblysy Esil aýdanynyń prokýrory qyzmetinde boldy.
Pavlodar qalasy ákiminiń ókimimen Ánýarbek Dúısembaıuly qala basshysynyń orynbasary bolyp taǵaıyndaldy. Ol buǵan deıin Ekibastuz qalasy ákiminiń orynbasary qyzmetin atqarǵan. Memlekettik qyzmettegi eńbek ótili 12 jyldan asady.
Ánýarbek Dúısembaıuly 1986 jyly týǵan, eki joǵary bilimi bar. 2008 jyly S.Toraıǵyrov atyndaǵy Pavlodar memlekettik ýnıversıtetin «avtomobıl jáne traktor jasaý», 2020 jyly Qaztutynýodaǵy Qaraǵandy ekonomıkalyq ýnıversıtetin «quqyqtaný» mamandyqtary boıynsha bitirgen.
Eńbek jolyn 2009 jyly Pavlodar qalasy turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminde bas maman bolyp bastady. 2009-2023 jyldar arasynda Pavlodar qalasy turǵyn úı ınspektsııasy bóliminde qatardaǵy mamannan bastap, bólim basshysynyń orynbasary, bólim basshysy laýazymyna deıin qyzmet atqardy. 2023 jyldyń aqpan aıynan bastap osy kúnge deıin Ekibastuz qalasy ákiminiń orynbasary bolyp qyzmet etti.
Temirbek Júrgenov atyndaǵy Qazaq ulttyq óner akademııasy rektorynyń ýaqytsha mindetin atqarýshy laýazymdyq qyzmetine Qazaqstannyń eńbek sińirgen qaıratkeri Júdebaev Arman Ádilhanuly taǵaıyndaldy.
Arman Júdebaev 1986 jyly Almaty oblysynda dúnıege kelgen. Qurmanǵazy atyndaǵy Qazaq ulttyq konservatorııasyn támamdaǵan. 2006 jyldan «Qurmanǵazy atyndaǵy Qazaq memlekettik akademııalyq halyq aspaptar orkestri» RMQK-da eńbek etken. 2018-2023 jyldary Qurmanǵazy atyndaǵy Qazaq ulttyq konservatorııasynyń rektory boldy. 2023-2023 jyldary Mádenıet jáne sport mınıstrligi Mádenıet komıtetiniń tóraǵasy, vıtse-mınıstr, Mádenıet jáne aqparat vıtse-mınıstri boldy.
