Elimizdiń birneshe qalasynda áýejaı salynyp jatyr

ASTANA. KAZINFORM — Bul týraly Kólik mınıstri Marat Qarabaevtyń tóraǵalyǵymen ótken shaǵyn avıatsııany damytý máseleleri jónindegi keńeste belgili boldy.

Jınalysqa Abaı, Ulytaý, Jetisý, Shyǵys Qazaqstan, Qaraǵandy jáne Qostanaı oblystary ákimdikteriniń, «Jetisý» jáne «ıÝjnoe nebo»áýekompanııalarynyń, sondaı-aq Úsharal, Úrjar jáne Zaısan áýejaılarynyń ókilderi qatysty.

Keńes barysynda shaǵyn avıatsııany odan ári damytý máseleleri talqylandy.

«Keńes qorytyndysy boıynsha Kólik mınıstrliginiń basshysy Úrjar, Úsharal, Zaısan, Katonqaraǵaı, Qarqaraly, Ulytaý jáne Arqalyq qalalarynda áýejaılardyń qurylysy jáne olardy rekonstrýktsııalaý máselelerin qaraýdy, sondaı-aq shaǵyn avıatsııany damytý jónindegi jumysty jalǵastyrýdy tapsyrdy», — dep jazdy vedomstvodan.